Կատարն անիրատեսական է անվանել արաբական երկրների պահանջները
Կատարն անիրատեսական է անվանել ճգնաժամի կարգավորման նպատակով արաբական պետութունների ներկայացրած պահանջները ու կոչ է արել վերանայել դրանք, հայտնում է «Ալ Արաբիա» հեռուստաալիքը՝ վկայակոչելով Կատարի ԱԳ նախարար Մուհամադ բեն Աբդուրահման Ալ Թանիի հայտարարությունը։
Նախարարը նաեւ Կատարի նկատմամբ սահմանված պատժամիջոցներն անվանել է «անօրինական» ու երկրի ինքնիշխանությունը խախտող։
Կատարի ԱԳՆ-ն փաստաթուղթն ուսումնասիրելուց հետո կներկայացնի համապատասխան պատասխանը, որը կփոխանցվի Քուվեյթի միջոցով, որը միջնորդի դեր է կատարում կարգավորման ջանքերում, հայտնում է «Ալ Ջազիրան»։
Սաուդյան Արաբիան, Եգիպտոսը, ԱՄԷ-ն ու Բահրեյնը Քուվեյթի միջնորդությամբ Կատարին են փոխանցել իրենց պահանջների ցանկը, որոնք անհրաժեշտ է կատարել Կատարի դիվանագիտական մեկուսացումը դադարեցնելու համար։ Այդ պահանջների ցանկի մանրամասները հրապարակել են մի շարք լրատվամիջոցներ, այդ թվում ամերիկյան «Ասոշիեյթիդ փրես» գործակալությունը։
Արաբական չորս երկրները Կատարից պահանջում են խզել դիվանագիտական հարաբերությունները Իրանի հետ, փակել Կատարի տարածքում Թուրքիայի ռազմակայանն ու «Ալ Ջազիրա» արբանյակային հեռուստաալիքը։ Այդ բոլոր պահանջների կատարման համար Դոհային տասը օր ժամանակ է տրամադրվել։
22-ամյա հղի կինը մեքենայից դուրս է նետվել և մաhացել, ոստիկանությունը մանրամասներ է հայտնել Գեղարքուն...
Երեւանում եւս ժամանակ առ ժամանակ սպասվում է անձրեւ եւ ամպրոպ
ՃՏՊ Երեւանի կենտրոնում` մահվան դեպքով
Ռուսական գազի գինը Հայաստանի համար չի կարող թանկանալ
Բելգիայում բացվել է առաջին Թումո կենտրոնը
Ռոնալդինյոն ժամանել է Հայաստան
«Մի նոր փոդքաստ պարտադիր դիտման համար» հյուր՝ Հայկ Կոնջորյան թողարկում 6
Պատերազմում շրջադարձային պահ է, հայտարարել է Ուկրաինայի ԱԳ նախարարը
Ոչ ոք չի ցանկանում, որ Հայաստանը դուրս գա ԵԱՏՄ-ից. Օվերչուկ
ԿԸՀ-ն ուժը կորցրած է ճանաչել «Բոլորին դեմ եմ»-ի պատգամավորի 7 թեկնածուի գրանցումը