Թուրքական ոստիկանությունը մեծաքանակ թմրանյութ է կալանել

Ադանայի նահանգային ոստիկանության թմրանյութերի դեմ պայքարի վարչությունը Մարկո անվամբ դետեկտիվ շան օգնությամբ հայտնաբերել ու կալանել է 46 560 հատ թմրանյութ պարունակող հաբ: Այս մասին տեղեկացնում է «Անադոլու» գործակալությունը:

Նշվում է, որ թմրանյութերը թաքցված են եղել բեռնափոխադրման ընկերության տուփերում: Դրանք պատրաստվում էին Ադանայից տեղափոխել Քաթար:

Մարկոն արձագանքել է մի ծանրոցի, որում էլ ոստիկանները հայտնաբերել են հաբերն ու ևս 427 գրամ փոշիանման զանգված: Ծանրոցում նարգիլեի 3 փայտե տուփ է եղել, որոնց մեջ էլ թաքնված է եղել թմրանյութը:

Կալանված զանգվածներն ուղարկվել են լաբորատորիա` փորձաքննության: Սկսվել է հետաքննություն` կասկածյալներին հայտնաբերելու համար:

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով