Մահաբեր ջերմային ալիքները մարդկության համար սպառնալիք են
Երկրի պոպուլյացիայի 74 տոկոսը 2100 թվականին կենթարվի մահաբեր ջերմային ալիքների ազդեցությանը, եթե մինչեւ այդ ածխաթու գազի արտանետման խնդիրը չլուծվի: Այս մասին նշված է Nature Climate Change-ում հրապարակված հետազոտության մեջ:
Հետազոտության համաձայն` եթե նույնիսկ այս արտանետումների քանակը կտրուկ կրճատվի, վտանգավոր ջերմային ալիքները, միեւնույն է, երկրաբնակների 48 տոկոսի համար լուրջ սպառնալիք կմնան:
«Մենք ապագայի համար գրեթե ոչ մի տարբերակ չունենք: Ջերմային ալիքների հարցում մեր ընտրությունը միայն վատի եւ սարսափելիի միջեւ է»,- խոստովանել է հետազոտության առաջատար հեղինակ, University of Hawaii-ի աշխարհագրագետ Քամիլիո Մորան:
Նրա խոսքով` ջերմային ալիքները մարդու կյանքին եւ առողջությանը լուրջ վտանգ են սպառնում, արդեն այսօր մարդկանցից շատերը ջերմային ալիքների զոհն են դառնում, եւ եթե ոչինչ չձեռնարկվի, իրավիճակը միայն կվատթարանա:
Հետազոտողների խոսքով` շեմ գոյություն ունի, որից այն կողմ ջերմությունը եւ խոնավությունը մարդու համար մահացու են դառնում: Նրանց տվյալներով` արդեն հիմա աշխարհի բնակչության գրեթե 30 տոկոսն ապրում է կլիմայական այնպիսի պայմաններում, որոնք առողջությանը եւ կյանքին լուրջ վտանգ են սպառնում: Եթե մթնոլորտ արտանետվող ջերմոցային գազերի մակարդակը չնվազի, 80 տարի հետո մարդկանց մեծամասնությունը կապրի կլիմայական այնպիսի պայմաններում, որ նրանց կյանքին կսպառնա շոգը, խոնավությունը եւ արտանետուներով թունավորված օդը:
22-ամյա հղի կինը մեքենայից դուրս է նետվել և մաhացել, ոստիկանությունը մանրամասներ է հայտնել Գեղարքուն...
Երեւանում եւս ժամանակ առ ժամանակ սպասվում է անձրեւ եւ ամպրոպ
ՃՏՊ Երեւանի կենտրոնում` մահվան դեպքով
Ռուսական գազի գինը Հայաստանի համար չի կարող թանկանալ
Բելգիայում բացվել է առաջին Թումո կենտրոնը
Ռոնալդինյոն ժամանել է Հայաստան
«Մի նոր փոդքաստ պարտադիր դիտման համար» հյուր՝ Հայկ Կոնջորյան թողարկում 6
Պատերազմում շրջադարձային պահ է, հայտարարել է Ուկրաինայի ԱԳ նախարարը
Ոչ ոք չի ցանկանում, որ Հայաստանը դուրս գա ԵԱՏՄ-ից. Օվերչուկ
ԿԸՀ-ն ուժը կորցրած է ճանաչել «Բոլորին դեմ եմ»-ի պատգամավորի 7 թեկնածուի գրանցումը