Չելյաբինսկում Հայաստանի քաղաքացուց խլել են 2,5 մլն ռուբլով ճամպրուկը

Հայաստանի քաղաքացին ՌԴ ոստիկանությանը հայտնել է իր վրա հարձակվելու եւ ճամպրուկը գողանալու մասին։Նրա խոսքով՝ դրանում եղել են 25 հազար դոլար, մեկ միլիոն ռուբլի եւ ոսկյա զարդեր։ Ընդհանուր առմամբ այդ ամենը 2,5 մլն ռուբլի է գնահատվում, հաղորդում է Lentachel-ը։

ՆԳՆ գլխավոր վարչությունում դեռ չեն մեկնաբանել միջադեպը, սակայն փաստը հաստատել են։ Գործը հետաքննելու նպատակով օպերատիվ քննչական խումբ է ստեղծվել։

«Ոստիկանության աշխատակիցների գործողությունները ՆԳՆ մարզային ղեկավարության հատուկ վերահսկողության ներքո են գտնվում», – ասվել է ոստիկանության մամուլի հաղորդագրությունում։

74.ru-ն գրում է, որ ավազակները երկուսն են եղել եւ ազգությամբ հայ ձեռներեցին ատրճանակով են սպառնացել։

 NEWS.am