Ոստիկանությունը կորոնավիրուսի կարանտինը խախտողներին պատժել է մահակի հարվածներով. Daily Mail (լուսանկարներ, տեսանյութեր)

Հնդկաստանում չորեքշաբթի ավելի քան 1․3 միլիարդ մարդ կորոնավիրուսի տարածման դեմ պայքարի շրջանակում տանը մնալու կարգադրություն է ստացել իշխանություններից, գրում է Daily Mail պարբերականը։

Այս օրերին երկրի հիմնական փողոցները գրեթե դատարկ են: Ոստիկանությունը խիստ վերահսկողություն է իրականացնում և կառավարության կողմից սահմանված սահամանափակումներին չենթարկվողներին պատժում ծեծի միջոցով:

Համացանցում հրապարակվել են լուսանկարներ, որտեղ երևում է, որ ոստիկանները փայտե մահակներով ծեծում են դրսում գտնվողներին։

Հնդկաստանում մեկուսացումն իր չափերով գերազանցում է նույնիսկ Չինաստանին․ հայտնի է, որ Չինաստանի Հուբեյ նահանգում կորոնավիրուսի տարածման մեկնարկից անմիջապես հետո Հնդկաստանի իշխանությունները դեռևս հունվարին ավելի քան 760 միլիոն մարդու մեկուսացման միջոցառումներ են ձեռնարկել։

Չնայած, որ մինչ այժմ եվրոպական երկրների համեմատ Հնդկաստանում կորոնավիրուսով վարակման դեպքերն ավելի քիչ են՝ ընդամենը 500, այնուամենայնիվ մտահոգություններ կան, որ երկրի թույլ առողջապահական համակարգը, աղքատությունը, վատ հիգիենան կարող են հանգեցնել իրավիճակի՝ վերհսկողությունից արագ դուրս գալուն։