Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի

Իրականում պատվաստումներին դեմ հանդես եկող «համոզված» մարդիկ չկան՝ մոտ 8-10 տոկոս տարբեր երկրներում, սակայն նրանք մեծ աղմուկ են բարձրացնում, եւ իրենց գործունեության պատճառով մարդիկ կասկածներ ունեն պատվաստվել, թե ոչ: Նման կարծիք է հայտնել սենատոր, մանկաբույժ, Ռուսաստանի վաստակավոր բժիշկ Վլադիմիր Կրուգլին:

Նրա խոսքով՝ կորոնավիրուսի եւ դրա դեմ պատվաստանյութերի վերաբերյալ բազմաթիվ անգրագետ, երբեմն դիտավորյալ կեղծ տեղեկություններ են այսօր տարածվում որոշ լրատվամիջոցների, բլոգերների, YouTube-ի եւ տելեգրամ ալիքների օգտատերերի եւ այլոց կողմից: Մասնագետի խոսքով՝ նրանք նպատակաուղղված բացասական եւ սխալ տեղեկատվություն են տարածում, մինչդեռ նրանց փաստարկները սովորաբար զուրկ են տրամաբանությունից եւ ողջամտությունից:

Նման աղբյուրների նկատմամբ, ըստ Կրուգլիի, անհրաժեշտ է ձեռնարկել ամենախիստ միջոցները՝ ընդհուպ մինչեւ արգելափակում, երբ խոսքն առցանց աղբյուրների մասին է, քանի որ դրանց գործունեությունը վտանգավոր է պետության համար՝ ոչ պակաս վտանգավոր, քան ծայրահեղականության կոչերը:

Ինչպես նշել է Կրուգլին, պատվաստումներին դեմ հանդես եկողների գործունեությունը ոչ մի կապ չունի խոսքի ազատության կամ սեփական կարծիք արտահայտելու հետ, քանի որ նրանք չեն խոսում իրենց փորձի մասին, այլ վախեցնում են մարդկանց պատվաստումների հետեւանքով «բարդություններով» եւ «մահերով»:

Երբեմն նման մարդիկ պատժվում են օրենքով, բայց, ըստ Կրուգլիի՝ չափազանց հազվադեպ:

Այս թեմայով Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել Ռումինիայում հարյուրավոր ծնողներ բողոքի ցույցի են դուրս եկել՝ պահանջելով չեղարկել դպրոցներում դիմակներ կրելու պարտադիր պահանջը Գերմանիան կմեղմացնի անվճարունակության կանոնները՝ համավարակի ընթացքում սնանկության ալիքից խուսափելու համար