Ճապոնիայի կայսրը պատրաստվում է հրաժարվել գահից

200 տարվա մեջ առաջին անգամ Ճապոնիայի կայսերը թույլ կտան հրաժարվել գահից: Երկրի խորհրդարանն ընդունել է համապատասխան օրենքը: Այս մասին գրում է ՌԲԿ-ն՝ վկայակոչելով Japan Times-ը:

83-ամյա Ակիհիտո կայսրն անցյալ տարվա ամռանը հանդես էր եկել հայտարարությամբ՝ հայտնելով առողջական վիճակի հետ կապված գահից հրաժարվելու մտադրության մասին:

Ճապոնիայի օրենքների համաձայն՝ կայսրը մինչեւ մահ չի կարող հեռանալ գահից: Սակայն Ակիհիտոյի համար երկրի իշխանությունները որոշել են փոխել այս կանոնը: 2016 թվականից աշնանից իշխանությունները համապատասխան օրինագիծ էին պատրաստում, որն Ակիհիտոյին թույլ կտա թագը ժառանգորդին փոխանցել: