Սաուդյան Արաբիայի հավաքականը չի հարգել ահաբեկչության զոհերի հիշատակը

Սաուդյան Արաբիայի ֆուտբոլիստներն այսօր չեն մասնակցել լռության րոպեին, որը հայտարարվել էր աշխարհի առաջնության ընտրական փուլի Ավստրալիայի հետ խաղից առաջ: Այն նվիրված է եղել ահաբեկչության պատճառով վերջերս Լոնդոնում զոհ դարձած մարդկանց հիշատակին:

Նշենք, որ Անգլիայի մայրաքաղաքում ահաբեկչությունների շարքը սկսվել էր հունիսի 3-ին, երբ փոքր ավտոբուսը վրաերթի էր ենթարկել տասնյակ անցորդների: Ապա երեք ահաբեկիչներ դանակներով հարձակվել էին խաղաղ բնակիչների վրա: Արդյունքում՝ 7 մարդ զոհվել է, իսկ 48-ը ստացել են տարբեր աստիճանի վնասվածքներ:

Նշենք, որ Ավստրալիա – Սաուդյան Արաբիա հանդիպումն ավարտվել է դաշտի տերերի հաղթանակով՝ 3:2:

Եւ այս ամենից հետո աշխարհում որոշ երկրներ, կառավարություններ կանգնում են Սաուդյան Արաբիայիթագավորական ընտանիքի կողքին: Սա արդեն լուրջ մտորելու առարկապետք է դառնա:

Ի դեպ, Իրանի իշխանություններն էլ վստահ են, որ Թեհրանի ահաբեկչությունը ծրագրել եւ իրականացրել է Սաուդյան Արաբիան:

Top-News.am