Մեծ Բրիտանիայում արտահերթ խորհրդարանական ընտրություններ են

Մեծ Բրիտանիայում արտահերթ խորհրդարանական ընտրություններ են, հայտնում է BBC-ն: Ընտրատեղամասերը բացվել են տեղի ժամանակով 07:00-ին: Ընդհանուր առմամբ, քվեարկության համար ամբողջ երկրում բացվել է ավելի քան 40 հազար տեղամաս:

Քվեարկությունը կավարտվի ժամը 22:00-ին:

Ընտրությունների արդյունքում կընտրվի 650 խորհրդարանական: Քվեարկությանը մասնակցելու իրավունք ունի մոտ 46,9 միլիոն ընտրող:

Ավելի վաղ հաղորդվել է, որ չնայած օրեր առաջ տեղի ունեցած ահաբեկչություններին՝ ընտրությունները Մեծ Բրիտանիայում կկայանան հունիսի 8-ին, ինչպես նախատեսված էր:

Նշենք, որ Մեծ Բրիտանիայում արտահերթ ընտրություններ է նշանակել վարչապետ Թերեզա Մեյը: Բրիտանական կառավարության ղեկավարի խոսքով՝ երկրում Եվրամիությունից դուրս գալու հարցով հանրաքվեից հետո պահանջվում է որոշակիություն, կայունություն և ուժեղ ղեկավարություն: