Ադրբեջանում արգելվել են հարսանիքները. օպերատիվ շտաբը խիստ սահմանափակումներ է մտցրել

Ադրբեջանի կառավարության օպերատիվ շտաբն այսօրվից հանրային կյանքի ու միջոցառումների խիստ սահմանափակումներ է մտցրել: Կորոնավիրուսի տարածումը զսպելու նպատակով զանգվածային բոլոր միջոցառումները մեկ ամսով հետաձգվում են:

Մարտի 14-ից երկրում չեն գործում բոլոր կինոթատրոնները, թանգարանները, թատրոնները, զվարճանքի կենտրոններն ու մարզասրահները: Սրճարաններին ու ռեստորաններին թույլատրվում է աշխատել մինչև երեկոյան ժամը 9-ը: Առևտրի կենտրոններն ու հանրային տրանսպորտը աշխատելու են պետական մարմինների կողմից սահմանված կանոններով: Դեղատների, պարենային խանութների աշխատանքային ռեժիմը չի փոխվում:

Կարանտինը կամ բուժման ռեժիմը խախտող քաղաքացիները կենթարկվեն խիստ պատասխանատվության: Հատուկ միջոցներ կկիրառվեն նաև կեղծ տեղեկություններ տարածող և խուճապ սերմանող լրատվամիջոցների ու անձանց նկատմամբ:

Արգելվում են հարսանիքները՝ բացառությամբ նրանց, որ նախապես պլանավորված էին մարտի 14-ի և 15-ի համար:

«Օպերատիվ շտաբի բոլոր որոշումները ենթակա են պարտադիր կատարման», - ասված է Ադրբեջանի կառավարության հաղորդագրությունում:

Հիշեցնենք՝ երկու օր առաջ Ադրբեջանում գրանցվեց կորոնավիրուսից մահվան առաջին դեպքը, այս պահի դրությամբ երկրում հաստատված է վարակի ևս 14 դեպք:

Այս թեմայով Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել Ռումինիայում հարյուրավոր ծնողներ բողոքի ցույցի են դուրս եկել՝ պահանջելով չեղարկել դպրոցներում դիմակներ կրելու պարտադիր պահանջը