Վրաստանում կորոնավիրուսով վարակվածների թիվը հասել է 23-ի

Վրաստանում կորոնավիրուսով վարակվածների թիվը հասել է 23-ի։ ։ Նաեւ կառավարության տվյալներով՝ կարանտինի տակ է գտնվում 126 մարդ, հիվանդանոցներում՝ 46 մարդ, հայտնում է «Նովոստի-Գրուզիա»-ն։

Այսպիսի տեղեկատվություն է տեղադրված stopcov.ge կայքում, որը կառավարութունը բացել է Covid-19 վիրուսի տարածման մասին տեղեկատվություն հավաքելու համար։

Մինչեւ այսօրվա երեկո Վրրաստանում պաշտոնապես գրանցված վարակվածների թիվը 15 էր, որոնցից 2-ը վարակվել են Իրան, 1-ը՝ Իսպանիա, 7-ը՝ Իտալիա ուղեւորությունների ժամանակ։ Եւս 5 հոգի Իտալիայից եկածներից վարակվել է արդեն Վրաստանում։

Մասնագետները զգուշացնում էին, որ Վրաստանում վարակվածների թիվը կավելանա։ Այսօր օրվա առաջին կեսին անալիզի համար «Լուգարա» լաբորատորիա է ուղարկվել 23 նմուշ։ Այդպիսով երեկոյան պարզ է դարձել, որ եւս 8 վարակվածներ կան։

Այսօր երեկոյան հատուկ չվերթով Հռոմից Թբիլիսի երկու ինքնաթիռ է ժամանել, որոնք հայրենիք Վրաստանի 156 քաղաքացի են բերել։ Վրաստանն օրերս դադարեցրել էր Իտալիայի հետ չվերթները։ Իտալիայից ժամանած Վրաստանի քաղաքացիները նույնպես երկու շաբաթ կարանտինի տակ կպահվեն։

Փետրվարի 21-ից Վրաստանում 1108 մարդ ինքնամեկուսացման մեջ է գտնվում, այսօր ճեպազրույցում հայտնել է Հիվանդությունների վերահսկման կենտրոնի ղեկավար Ամիրան Գամկրելիձեն։ Նա Վրաստանի քաղաքացիներին կոչ է արել առանց ծայրահեղ անհրաժեշտության որոշ ժամանակ արտասահման չմեկնել։

Այս թեմայով Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել Ռումինիայում հարյուրավոր ծնողներ բողոքի ցույցի են դուրս եկել՝ պահանջելով չեղարկել դպրոցներում դիմակներ կրելու պարտադիր պահանջը