Պարսից ծոցի հարեւանները մեկուսացրել են Կատարին
Սաուդյան Արաբիան, Միացյալ Արաբական Էմիրությունները,Բահրեյնն ու Եգիպտոսը խզել են դիվանագիտական կապերը Դոհայի հետ՝ նրան մեղադրելով իսլամականներին աջակցելու ու Իրանի նկատմամբ բարեհաճ վերաբերմունքի մեջ, գրում է ֆրանսիացի լրագրող, Մերձավոր արեւելքի հարցերով մասնագետ Ժորժ Մալբրյունոն Le Figaro-ում։
«Կատարի ու Պարսից ծոցում նրա գլխավոր հարեւանների միջեւ ճգնաժամը նորից սրվել է։ Սա Պարսից ծոցի արաբական պետությունների համագործակցության խորհրդի անդամների միջեւ վերջին 30 տարիների ամենածանր ճգնաժամն է»,- ասվում է հոդվածում։
Էր Ռիադը «իր ազգային անվտանգությունը պաշտպանելու» նպատակով նաեւ որոշել է փակել Կատարի հետ ցամաքային, օդային ու ծովային սահմանները, շարունակում է լրագրողը։
«Ամբողջ տարածաշրջանի ապակայունացման համար Կատարը ընդունում է զանազան ահաբեկչական խմբավորումների՝ օրինակ «Մուսուլման եղբայրներ»․ ԻՊ , «Ալ Կաիդա» խմբավորումներին»,- մեղադրում է Կատարին սաուդյան պատասխանատու ղեկավարներից մեկը, որը չի հայտնել իր անունը։ Նրա կարծիքով Դոհան նաեւ աջակցում է «այն ահաբեկչական խմբավորումների գործունեությունը, որոնց օժանդակում է Իրանը Կաֆիֆ նահանգում, որտեղ կենտրոնացած է սաուդյան թագավորության շիա փոքրամասնոթյունը, նաեւ Բահրեյնում, որն արդեն երկար տարիներ տառապում է այդ երկրի շիա մեծամասնության կողմից հաճախացած հուզումներից։
Ի պատասխան Դոհան իր հարեւաններին մեղադրում է իրեն հսկողության տակ պահելու ձգտման մեջ։ «Դրանք անհիմն ու չարդարացված» միջոցառումներ են՝ այսպես է Կատարի ԱԳՆ-ն արձագանքել իր հաղորդագրության մեջ։ Նրանք հստակ նպատակ են դրել՝ «Կատարին հսկողության տակ վերցնել, հետեւաբար խախտել նրա ինքնիշխանությունը», ինչը «միանգամայն անընդունելի է», հայտնում է լրագրողը։
Ի տարբերություն Սաուդյան Արաբիայի ու Էմիրությունների, Կատարը երբեք խորը թշնամական քաղաքականություն չի դրսեւորել Իրանի նկատմամբ, այդ երկրի հետ Դոհան կիսում ու համատեղ մշակում է Պարսից ծոցի ջրային տարածքում խոշորագույն գազային հանքավայրը։ «Կատարը երբեք չի զբաղվել Մերձավոր արեւելքում տեղի ունեցող իրադարձությունների շիա- սունի մեկնաբանություններով»,- շեշտում է մի դիվանագետ՝ դարձյալ անանունության պայմանով։
«Սաուդցիներն ու էմիրաթցիները, Դոնալդ Թրամփի աջակցությամբ, Իրանը դարձրել են իրենց թիվ մեկ թշնամին,- մեկնաբանում է Մալբրյունոն,- Իրանի հետ հարաբերությունների հարցում Դոհան մենակ չէ Պարսից ծոցում՝ Օման սուլթանությունն ու Քուվեյթը նույնպես հրաժարվում են Իրանը դարձնել համընդհանուր ատելության թիրախ։ Այդ երկու երկրները նաեւ չեն միացել այն կարանտինին, որը Էր Ռիադը հայտարարել է Դոհայի վերաբերյալ»։
Մենք միանգամայն արժանիորեն դուրս եկանք հաջորդ փուլ
Մյունխենի կենտրոնում կառուցվել է փայտից պատրաստված հնգահարկ մանկապարտեզ
Աբու Դաբին կունենա համաշխարհային արվեստի նոր կենտրոն
Սևանում տեղի է ունեցել «Sevan AgriTech Summit»-ը
«Claude» արհեստական բանականությունը թեստավորման ժամանակ կոտրել է 3 ընկերության համակարգեր
BP-ն վաճառում է Հյուսիսային ծովում իր բիզնեսը և դուրս գալիս տարածաշրջանից
Ուրումչիի մշակութային ուղին. Գրանդ բազար
«Երևանի «Արարատ» կոնյակի-գինու-օղու կոմբինատ»-ը հանձնվել է ՀՀ կառավարմանն ու պահպանմանը. Գլխավոր դատ...
Wildberries-ի կողմից տրամադրված փոխհատուցումների ընդհանուր ծավալը կազմում է մի քանի միլիարդ ռուբլի
Մահացել է աշխարհի չեմպիոն և «Միլանի» լեգենդ Ֆրանկո Բարեզին