Իվիցա Դաչիչ․ Սերբիան երբեք պատժամիջոցներ չի սահմանի Ռուսաստանի դեմ
Սերբիան երբեք պատժամիջոցներ չի սահմանի Ռուսաստանի դեմ, Պետերբուրգյան տնտեսական ֆորումի բացման արարողության ժամանակ հայտնել է Սերբիայի արտգործնախարար, վարչապետի պաշտոնակատար Իվիցա Դաչիչը, փոխանցում է ՌԲԿ-ն։
Նրա խոսքով, «դա քաղաքական ու բարոյական հարց է»։ «Սերբիան նաեւ չի փոխի ռազմական չեզոքության քաղաքականությունը»,- հավելել է Դաչիչը։ Նա հիշեցրել է, որ Ռուսաստանը Սերբիայի ռազմավարական, տնտեսական, քաղաքական ու արտաքին քաղաքական առաջատար գործընկերներից է։ Նրա խոսքով Սերբիան «շահագրգռված է շարունակել այդ դրական միտումը»։ Մասնավորապես ուզում է աշխուժացնել համագործակցությունը «Ռուսաստանի հետ էներգետիկայի ոլորտում, ավելացնել ապրանքաշրջանառությունը ու ընդլայնել դրան մասնակցող ապրանքների անվանացանկը»։
Սերբիայի նախագահ Ալեքսանդր Վուչիչը, որի երդմնակալությունը անցել է մայիսի 31-ին, Դաչիչի խոսքով, կշարունակի Ռուսաստանի հետ համագործակցության քաղաքականությունը։ Վարչապետի խոսքով Սերբիան բացառիկ նշանակություն է հաղորդում բոլոր համաշխարհային խաղացողների հետ տնտեսական համագործակցությանը։ «Կուզեի շեշտել, որ Սերբիան այն սակավաթիվ երկրներից է, որը ստորագրել է ազատ առեւտրի մասին համաձայնագիր թե Ռուսաստանի, Բելառուսի ու Ղազախստանի, թե ԵՄ-ի ու Թուրքիայի հետ»,- հայտնել է Դաչիչը։
Հայաստանում ԱՄՆ դեսպանատունը զգուշացնում է
Ինչու Սպերցյանը չտեղափոխվեց Պորտու
Երիտասարդը իրավապահներից փախչելիս ընկել է Հրազդանի կիրճի ջրատարը
Ավելի քան 4 մլրդ դրամի հատկացում մարզերում մանկապարտեզների նորոգմանը և նախակրթարանների ստեղծմանը
«Նոայի» դարպասապահը նվաճել է ֆուտբոլի աշխարհի առաջնության (Մունդիալի) ուղեգիր
Երկիր մոլորակը չի կարող դիմակայել բնակչության աճին
Պարի սեն-ժերմենը մտադիր է պայմանագիր կնքել Ռեալի կիսապաշտպանի հետ
Դեպի Երևան տանող ճանապարհը և ենթակառուցվածքները բերել պատշաճ վիճակի և տեսքի
ՄԻՊ աշխատակիցներն այցելել են «Արմավիր» ՔԿՀ՝ Դավիթ Մինասյանին տեսակցելու նպատակով
Հայաստանի ազգային հավաքականը մեկ հորիզոնականով նահանջել է ՖԻՖԱ-ի դասակարգման աղյուսակում