Ինչպես են ախտահանում կորոնավիրուսի համաճարակի կենտրոն դարձած Ուհան քաղաքի փողոցները (տեսանյութ)

Համացանցում տեսանյութ է հրապարակվել, որում երևում է, թե ինչպես են հատուկ սարքերով ախտահանում Չինաստանի` համաճարակի կենտրոն դարձած Ուհան քաղաքի փողոցները, հայտնում է reddit.com կայքը:

Նշվում է, որ ախտահանումը կատարվում է հատուկ քիմիկատների միջոցով:

Վերջին տվյալների համաձայն` Չինաստանում նոր տեսակի կորոնավիրուսի հետևանքով մահացել է 562 վարակակիր բնակիչ:

Հայտնի է, որ երկրի իշխանությունները կորոնավիրուսով վարակման դեպք են գրանցել 24 300 մարդու մոտ:

Չինաստանի իշխանություններն անհայտ տեսակի վիրուսի համաճարակի մասին Առողջապահության համաշխարհային կազմակերպությանը տեղյակ էին պահել դեկտեմբերի 31-ին: Համաճարակը բռնկվել է 11 մլն բնակչություն ունեցող Ուհան քաղաքում:

Վերջին օրերին ամբողջ աշխարհում մարդիկ խուճապի են մատնվել սրընթաց տարածվող մահացու կորոնավիրուսի պատճառով: Հիվանդների ու զոհերի թիվն օրեցօր ավելանում է, իսկ վարակման դեպքեր են արձանագրվել նաև Չինաստանից դուրս մի շարք երկրներում, ինչը հանգեցրել է համաշխարհային խուճապի:

Այս թեմայով Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել Ռումինիայում հարյուրավոր ծնողներ բողոքի ցույցի են դուրս եկել՝ պահանջելով չեղարկել դպրոցներում դիմակներ կրելու պարտադիր պահանջը