«Մեծ յոթնյակ» այլեւս չկա
Սիցիլիայում անցկացված գագաթնաժողովը ցույց տվեց, որ ԱՄՆ նախագահ Թրամփը վերացրեց «մեծ յոթնյակը»: Այս մասին գրում է Die Zeit-ը:
«Եթե գագաթնաժողովն ընկերների հանդիպման նման մի բան էր, ապա ինչպիսի՞ն է այդ դեպքում թշնամիների հանդիպումը,- գրում է լրագրողը: Իտալիայում աշխարհի յոթ առաջատար երկրների հանդիպումը ցույց տվեց, որ G7-ը, ըստ էության, այլեւս չկա, կան միայն ամերիկացիներն ու մնացյալ ամբողջ աշխարհը»:
Ըստ Շիրիտցի՝ գրեթե ոչ մի հարցում, լինի դա համատեղ առեւտուր, կլիմա, փախստականներ, կողմերին չհաջողվեց «համաձայնություն ձեռք բերել, իսկ գագաթնաժողովի արդյունքներով հրապարակված հայտարարությունը ստանդարտ փոխզիջումների խառնուրդ էր»:
Ավելին, «կլիմայի պաշտպանության» հարցում «նույնիսկ դա անհնար դարձավ, քանի որ Թրամփը, ինչպես իր Twitter-ում է գրել, միայն հաջորդ շաբաթ կորոշի, ուզո՞ւմ է ընդհանրապես հետեւել Փարիզի համաձայնագրին, որը նաեւ Միացյալ Նահանգներն է ստորագրել»:
«Այդ պատճառով, G7-ի գագաթնաժողովից հետո հարկավոր է լրջորեն հարցնել, արդյո՞ք այդ ձեւաչափը գոյության իրավունք ունի»,- գրել է հեղինակը՝ հիշեցնելով, որ ժամանակին, երբ որոշումները կայացնում էին հին արդյունաբերական գերտերությունները, «յոթնյակը» համաշխարհային կառավարության նման մի բան էր: Իսկ ժամանակի ընթացքում, երբ ուժերի հարաբերակցությունը որոշակիորեն փոխվեց՝ Ասիայում եւ Լատինական Ամերիկայում զարգացող երկրների վերելքի պատճառով, G20 ստեղծվեց, որում նոր երկրներ ներառվեցին:
22-ամյա հղի կինը մեքենայից դուրս է նետվել և մաhացել, ոստիկանությունը մանրամասներ է հայտնել Գեղարքուն...
Երեւանում եւս ժամանակ առ ժամանակ սպասվում է անձրեւ եւ ամպրոպ
ՃՏՊ Երեւանի կենտրոնում` մահվան դեպքով
Ռուսական գազի գինը Հայաստանի համար չի կարող թանկանալ
Բելգիայում բացվել է առաջին Թումո կենտրոնը
Փաշինյանի բոլոր որոշումներն արդեն ընդունված են. Վոլոդին
Ռոնալդինյոն ժամանել է Հայաստան
«Մի նոր փոդքաստ պարտադիր դիտման համար» հյուր՝ Հայկ Կոնջորյան թողարկում 6
Պատերազմում շրջադարձային պահ է, հայտարարել է Ուկրաինայի ԱԳ նախարարը
ԿԸՀ-ն ուժը կորցրած է ճանաչել «Բոլորին դեմ եմ»-ի պատգամավորի 7 թեկնածուի գրանցումը