Ադրբեջանում չինացի ուսանողը կարանտինի է ենթարկվել

Չինաստանից Ադրբեջան մեկնողները մեկուսացվում են, հետազոտվում Կլինիկական բժշկական կենտրոնում: Այդ մասին հայտնում են ադրբեջանական լրատվամիջոցները` երկրի առողջապահության նախարարության գլխավոր վարակաբան Ջալալ Իսաևին հղումով:

Նրա խոսքով` այժմ կարանտինի է ենթարկվել չինացի մեկ ուսանող:

«Նա Չինաստանի քաղաքացի է, սովորում է այստեղ: Պացիենտը կհետազոտվի և հսկողության տակ կգտնվի 14 օր շարունակ: Հետազոտությունից հետո որոշում կընդունվի»,- ասել է նա:

 Չինաստանում նոր տեսակի կորոնավիրուսի հետևանքով 213 մարդ է մահացել, վարակվածների թիվը, վերջին տվյալներով, հասել է 9390-ի:

Ավելի վաղ Առողջապահության համաշխարհային կազմակերպությունը (ԱՀԿ) Չինաստանում նոր կորոնավիրուսի բռնկումը միջազգային նշանակության արտակարգ իրավիճակ է ճանաչել: ԱՀԿ-ն նաև բոլոր երկրներին կոչ է արել պայքարել վտանգավոր հիվանդության հարուցիչի վերաբերյալ կեղծ լուրերի և ապատեղեկատվության տարածման դեմ:

Այս թեմայով Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել Ռումինիայում հարյուրավոր ծնողներ բողոքի ցույցի են դուրս եկել՝ պահանջելով չեղարկել դպրոցներում դիմակներ կրելու պարտադիր պահանջը