Մերկելը Էրդողանին կհայտնի «Ինջիրլիք» այցելելու գերմանացի պատգամավորների անհրաժեշտության մասին
Թուրքիայի նախագահ Ռեջեփ Թայիփ Էրդողանի հետ հանդիպման թեման կլինի թուրքական «Ինջիրլիք» ավիաբազա գերմանացի խորհրդարանականների խմբին թույլ տալու շուրջ ստեղծված իրավիճակը: Այդ մասին լրագրողներին տեղեկացրել է Գերմանիայի կանցլեր Անգելա Մերկելը՝ ժամանելով Բրյուսելում ՆԱՏՕ-ի վեհաժողովին, գրում է «ՌԻԱ Նովոստի»-ն:
«Ես Թուրքիայի նախագահի հետ զրույցում հստակ կնշեմ, որ մեզ համար պարտադիր է, քանի որ մենք ունենք խորհրդարանական բանակ, որ գերմանական բունդեսթագի անդամները կարողանան այցելել մեր զինվորներին: Հակառակ դեպքում մենք ստիպված կլինենք հեռանալ Ինջիրլիքից»,- ասել է Մերկելը:
Ավելի վաղ հաղորդվել է, որ Գերմանիան մտադիր է ՆԱՏՕ-ի գագաթնաժողովի ժամանակ բարձրացնել «Ինջիրլիք» ավիաբազայի օգտագործման հարցը, ինչպես նաև քննարկել Թուրքիայի կողմից գերմանացի խորհրդարանականների մուտքն այնտեղ թույլ չտալու հարցը: Այդ մասին Չինաստանի արտգործնախարար Վան Իի հետ բանակցությունների արդյունքն ամփոփող մամուլի ասուլիսի ժամանակ հայտարարել է Գերմանիայի փոխկանցլեր, արտգործնախարար Զիգմար Գաբրիելը:
Բեռլինի և Անկարայի միջև հարաբերությունների վատթարացման հերթական շրջադարձը տեղի է ունեցել օրերս, երբ թուրքական իշխանությունները տեղեկացրել են Գերմանիայի կառավարությանն «Ինջիրլիք» Բունդեսթագի պատգամավորների մուտքը թույլ չտալու մասին: Դրան ի պատասխան Բեռլինը հայտարարել է «Ինջիրլիքին» այլընտրանք գտնելու մասին: Որպես առաջնահերթ տարբերակ քննարկվում է զինվորականների տեղափոխումը Հորդանան:
22-ամյա հղի կինը մեքենայից դուրս է նետվել և մաhացել, ոստիկանությունը մանրամասներ է հայտնել Գեղարքուն...
Երեւանում եւս ժամանակ առ ժամանակ սպասվում է անձրեւ եւ ամպրոպ
ՃՏՊ Երեւանի կենտրոնում` մահվան դեպքով
Ռուսական գազի գինը Հայաստանի համար չի կարող թանկանալ
Բելգիայում բացվել է առաջին Թումո կենտրոնը
Փաշինյանի բոլոր որոշումներն արդեն ընդունված են. Վոլոդին
Ռոնալդինյոն ժամանել է Հայաստան
«Մի նոր փոդքաստ պարտադիր դիտման համար» հյուր՝ Հայկ Կոնջորյան թողարկում 6
Պատերազմում շրջադարձային պահ է, հայտարարել է Ուկրաինայի ԱԳ նախարարը
ԿԸՀ-ն ուժը կորցրած է ճանաչել «Բոլորին դեմ եմ»-ի պատգամավորի 7 թեկնածուի գրանցումը