Թուրքիայի իշխանությունները պետական հեղաշրջման փորձից հետո փակել են մոտ 150 լրատվամիջոց
Թուրքիայի իշխանությունները անցած տարվա հուլիսի 15-16-ին տեղի ունեցած պետական հեղաշրջման չստացված փորձից հետո արտոնագրից զրկել են 147 զանգվածային լրատվամիջոց: Այդ մասին հայտնել է Reuters գործակալությունը՝ վկայակոչելով Թուրքիայի խնայողությունների և ավանդների պետական հիմնադրամի զեկույցը:
Պետական կարգավորիչի տեղեկություններով՝ 2017 թվականի մարտի վերջին երկրի իշխանությունները հարյուրավոր ընկերություններ են հսկողության տակ վերցրել. կամ նշանակվել է նոր ղեկավարություն, կամ դրանք ամբողջությամբ փակվել են: Խոսքը 11,3 միլիարդ դոլար ընդհանուր արժեքով 879 ընկերությունների մասին է, որտեղ աշխատել է մոտ 45 հազար մարդ: Ամբողջովին աշխատանքը դադարեցրած ընկերություններից 147-ը եղել է լրատվամիջոց, ասված է զեկույցում:
Գործակալությունը հավելում է, որ Անկարան իր հսկողության տակ է վերցնում բանկեր, ԶԼՄ-ներ և այլ ձեռնարկություններ հուլիսյան հեղաշրջման գլխավոր կազմակերպիչ համարվող կրոնական քարոզիչ Ֆեթուլլահ Գյուլենի կազմակերպության հետ կապերի մեջ կասկածանքների պատճառով:
Անցած տարվա ամառվանից երկրի իշխանությունները պետական ծառայությունից հեռացրել են հազարավոր մարդկանց, մոտ 113 հազար մարդ ձերբակալվել է կամ կալանավորվել: Նրանցից մոտ 50 հազարը մնում է կալանքի տակ, նրանց թվում տասնյակ լրագրողներ:
Մենք միանգամայն արժանիորեն դուրս եկանք հաջորդ փուլ
Աբու Դաբին կունենա համաշխարհային արվեստի նոր կենտրոն
Քրիստիան Ռոմերոն պահանջում է տարեկան 8 միլիոն եվրո աշխատավարձ
Wildberries-ի կողմից տրամադրված փոխհատուցումների ընդհանուր ծավալը կազմում է մի քանի միլիարդ ռուբլի
Սևանում տեղի է ունեցել «Sevan AgriTech Summit»-ը
«Claude» արհեստական բանականությունը թեստավորման ժամանակ կոտրել է 3 ընկերության համակարգեր
«Երևանի «Արարատ» կոնյակի-գինու-օղու կոմբինատ»-ը հանձնվել է ՀՀ կառավարմանն ու պահպանմանը. Գլխավոր դատ...
Ուրումչիի մշակութային ուղին. Գրանդ բազար
Մյունխենի կենտրոնում կառուցվել է փայտից պատրաստված հնգահարկ մանկապարտեզ
BP-ն վաճառում է Հյուսիսային ծովում իր բիզնեսը և դուրս գալիս տարածաշրջանից