Լեհաստանի ՊՆ-ն տարածաշրջանի համար գլխավոր սպառնալիք է համարում Ռուսաստանին
Լեհաստանի անվտանգության համար շատ կարեւոր է ՆԱՏՕ-ին եւ Եվրոպական միությանն անդամակցելը։ Տարածաշրջանում անկայունության գլխավոր աղբյուրը Ռուսաստանն է։ Այս մասին ասվում է Լեհաստանի Հանրապետության պաշտպանական կոնցեպցիայում, որը ներկայացրել է երկրի պաշտպանության նախարարությունը։
Փաստաթուղթը, մասնավորապես, նախատեսում է պետության տարածքում պաշտպանունակության մեծացում, ինչպես նաեւ հրամանատարության համակարգի փոփոխություններ։ Բացի այդ, կոնցեպցիան առաջարկում է ռազմաօդային ուժերի մոդեռնիզացում, հրետանու ամրապնդում։
Փաստաթղթի հեղինակների համար ամենակարեւորը տարածքի պաշտպանությունն է, սակայն նրանք կարեւորում են նաեւ դաշնակիցների հետ արտասահմանում գործողություններին մասնակցությունը։
Բացի այդ, փաստաթղթում ասվում , թե երկրի անվտանգության ապահովման հիմնական միջոցը Զինված ուժերն են։ Սակայն, ըստ հեղինակների, ազգային անվտանգությունը կախված է ոչ միայն պետության պաշտպանվելու հնարավորությունից, այլեւ, օրինակ, էներգիայի մատակարարման անվտանգությունից։
Տարածաշրջանում Մոսկվայի համակամարտություն բորբոքելը՝ ՆԱՏՕ-ի մեկ կամ մի քանի անդամ երկրների մասնակցությամբ, իրական հեռանկար է։
Կոնցեպցիայում անվտանգության գլխավոր սպառնալիքների ու մարտահրավերների թվում նշվում է նաեւ ՌԴ-ի ագրեսիվ քաղաքականությունը, որը ձգտում է ամրապնդել իր դիրքերը՝ խախտելով միջազգային իրավունքը, փորձելով ապակայունացնելու արեւմտյան կառույցները (ՆԱՏՕ եւ ԵՄ), ինչպես նաեւ միջատլանտյան կապերի թուլացմամբ։
«Հատկապես անհանգստության տեղիք են տալիս քաղաքական նպատակներին հասնելու համար ՌԴ-ի՝ զինված ուժերն օգտագործելը»,-պնդում են փաստաթղթի հեղինակները՝ վկայակոչելով Վրաստանի հետ պատերազմն ու Ուկրաինայի տարածքի մի մասի բռնակցումը։
Կոնցեպցիայի համաձայն՝ ՌԴ-ն «ՆԱՏՕ-ի արեւելյան ճակատի սահմաններին անկայունության գլխավոր աղբյուրն է», որն ազդեցություն ունի նախկին ԽՍՀՄ պետությունների վրա։
Մենք միանգամայն արժանիորեն դուրս եկանք հաջորդ փուլ
Քրիստիան Ռոմերոն պահանջում է տարեկան 8 միլիոն եվրո աշխատավարձ
«Երևանի «Արարատ» կոնյակի-գինու-օղու կոմբինատ»-ը հանձնվել է ՀՀ կառավարմանն ու պահպանմանը. Գլխավոր դատ...
Wildberries-ի կողմից տրամադրված փոխհատուցումների ընդհանուր ծավալը կազմում է մի քանի միլիարդ ռուբլի
Մյունխենի կենտրոնում կառուցվել է փայտից պատրաստված հնգահարկ մանկապարտեզ
Սևանում տեղի է ունեցել «Sevan AgriTech Summit»-ը
Աբու Դաբին կունենա համաշխարհային արվեստի նոր կենտրոն
BP-ն վաճառում է Հյուսիսային ծովում իր բիզնեսը և դուրս գալիս տարածաշրջանից
«Claude» արհեստական բանականությունը թեստավորման ժամանակ կոտրել է 3 ընկերության համակարգեր
Ուրումչիի մշակութային ուղին. Գրանդ բազար