Վանում 15 օրով երկարաձգվել է հանրահավաքների, ցույցերի և երթերի արգելքը

Վանում 15 օրով երկարաձգվել է բոլոր տեսակի հանրահավաքների, ցույցերի, երթերի, մամուլի ասուլիսների կազմակերպման արգելքը: Այս մասին տեղեկացնում է memurlar.net կայքը:

Վանի նահանգապետարանը կրկին հայտարարություն է տարածել և տեղեկացրել, որ արգելքը գործելու է հունվարի 9-23-ը:

Որպես արգելքի պատճառաբանություն` նշվում է անվտանգությունը, մասնավորապես «հնարավոր ահաբեկչական հարձակումները կանխելը, բնակիչների կյանքի ու ունեցվածքի անվտանգության ապահովումն ու բռնությունների դեմ պայքարը»:

«Համաձայն Սահմանադրությանը և օրենքներին` մեր նահանգի վարչական սահմանների տարածքում 2020 թվականի հունվարի 9-ից 23-ն արգելվում են բոլոր տեսակի հանրահավաքները, ցույցերը, քայլերթերը, մամուլի ասուլիսները, բողոքի ակցիաները, ստորագրահավաքները, նստացույցերը, հացադուլներն ու նմանատիպ միջոցառումները»,- ասված է նահանգապետարանի տարածած հաղորդագրության մեջ:

Ինշպես ավելի վաղ տեղեկացրել էր Tert.am-ը, Վանի նահանգապետարանը 2019 թվականի դեկտեմբերի 25-ից մինչև 2020 թվականի հունվարի 8-ը ներառյալ 15 օրով արգելել էր բոլոր տեսակի հանրահավաքները, բողոքի ակցիաներն ու մամուլի ասուլիսները՝ վերը նշված նույն պատճառաբանություններով:

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով