Պեկինը Վաշինգտոնից 100 օր է խնդրել Հս. Կորեային «հանդարտեցնելու» համար. լրատվամիջոցներ
Չինաստանի ղեկավար Սի Ձինփինը Միացյալ Նահանգներ կատարած այցի ժամանակ իր ամերիկացի գործընկեր Դոնալդ Թրամփին խնդրել է առաջիկա 100 օրվա ընթացքում կոշտ քայլեր չձեռնարկել Հյուսիսային Կորեայի դեմ:
Այս մասին հայտնում է The Asahi Shimbun ճապոնական պարբերականը՝ ճապոնական և ամերիկյան աղբյուրներին հղումով:
Նշվում է, որ 100 օրվա ընթացքում Պեկինը պետք է փորձի օգտագործել Փհենյանի նկատմամբ ունեցած ազդեցության լծակներն ու այնպես անի, որպեսզի Հյուսիսային Կորեան թուլացնի վարած ագրեսիվ քաղաքականությունը:
Աղբյուրը նկատում է, որ թեպետ Թրամփը համաձայնել է պահանջված ժամանակը հատկացնել Չինաստանին, այնուհանդերձ՝ խոստացել է պատժամիջոցներ սահմանել Հյուսիսային Կորեայի հետ համագործակցող չինական ընկերությունների նկատմամբ, եթե Պեկինը 100 օրվա ընթացքում չկարողանա «հանդարտեցնել» Փհենյանին:
Հայտնի է, որ Ձինփինի խնդրած 100 օրվա ժամկետը լրանում է հուլիսին:
Հիշեցնենք, որ վերջին ամիսներին Կորեական թերակղզու շուրջ նախապատերազմական իրավիճակ է ստեղծվել: Հյուսիսային Կորեան, շարունակելով անտեսել միջազգային հանրության նախազգուշացումները, իրականացնում է բալիստիկ հրթիռների արձակում: Մինչդեռ ԱՄՆ-ն, Հարավային Կորեան և Ճապոնիան այդ գործողությունները որակում են «սադրիչ» ու սպառնում համարժեք հակահարված հասցնել:
Հայաստանում ԱՄՆ դեսպանատունը զգուշացնում է
Ինչու Սպերցյանը չտեղափոխվեց Պորտու
Երիտասարդը իրավապահներից փախչելիս ընկել է Հրազդանի կիրճի ջրատարը
«Նոայի» դարպասապահը նվաճել է ֆուտբոլի աշխարհի առաջնության (Մունդիալի) ուղեգիր
Պարի սեն-ժերմենը մտադիր է պայմանագիր կնքել Ռեալի կիսապաշտպանի հետ
Դեպի Երևան տանող ճանապարհը և ենթակառուցվածքները բերել պատշաճ վիճակի և տեսքի
ԿԳՄՍՆ-ն զգուշացնում է ուսուցիչներին
Հայաստանից Ռուսաստան ներմուծվող արտադրանքի նկատմամբ վերահսկողությունը խստացվել է
Կասեցվել է «Իգիթ» ընկերությանը պատկանող կաթնամթերքի արտադրանքի գործունեության առանձին գործառույթը
Մակրոնը երկօրյա այցով ժամանել է Հարավային Կորեա