Թուրքիայի քրդամետ կուսակցության նախկին համանախագահ Սելահեթթին Դեմիրթաշը բանտում գիտակցությունը կորցնելուց հետո հոսպիտալացվել է

Նոյեմբերի 26-ին Թուրքիայի քրդամետ Ժողովուրդների դեմոկրատական կուսակցության նախկին համանախագահ, ներկայում քաղբանտարկյալ Սելահեթթին Դեմիրթաշն Էդիրնեի բանտում կորցրել է գիտակցությունը: Այս մասին տեղեկացնում է t24.com.tr կայքը՝ հղում անելով Դեմիրթաշի եղբորն ու փաստաբանին՝ Այգյուլ Դեմիրթաշին:

Եղբոր խոսքով՝ Դեմիրթաշը սուր ցավ է զգացել կրծքավանդակի շրջանում, շնչառական խանգարում է ունեցել և կորցրել է գիտակցությունը:

Նրան առաջին օգնություն է ցուցաբերել իր բանտախցի ընկեր Աբդուլլահ Զեյդանը:

Եղբոր և մյուս փաստաբանների ու բժիշկների բազմաթիվ պահանջներից հետո Դեմիրթաշին հոսպիտալացրել են միայն երեկ՝ դեկտեմբերի 2-ին:

Բժիշկները նշել են, որ Դեմիրթաշի կյանքին վտանգ չի սպառնում:

Հիշեցնենք, որ 2016թ.-ի նոյեմբերի 4-ին Դիարբեքիրում և Անկարայում ձերբակալվել է քրդամետ Ժողովուրդների դեմոկրատական կուսակցության 10-ից ավելի անդամ, այդ թվում`կուսակցության արդեն նախկին համանախագահներ Սելահաթթին Դեմիրթաշն ու Ֆիգեն Յուքսեքդաղը: ԺԴԿ պատգամավորներին մեղադրում են «Քրդստանի աշխատավորական կուսակցություն» խմբավորման հետ կապեր ունենալու համար:

Սելահաթթին Դեմիրթաշը գտնվում է թուրքական Էդիրնե նահանգի բանտում, նրա դեմ դատական գործընթացը շարունակվում է:

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով