Թուրքիան կալանավորված լրագրողների թվով համաշխարհային ռեկորդ է սահմանել

Մամուլի միջազգային ինստիտուտը զեկույց է հրապարակել, որում նշվում է, որ Թուրքիայում այսօր կալանավորված է 120 լրագրող, ինչը վատագույն ցուցանիշն է աշխարհում: Այս մասին տեղեկացնում է diken.com.tr կայքը:

Թուրքիայում անգամ արտակարգ դրության ռեժիմի ավարտից հետո ցուցանիշը չի շտկվել: Թուրքիայում 2016 թվականի հուլիսի 15-ին տեղի ունեցած ռազմական հեղաշրջման փորձից հետո շուրջ 150 000 գիտնական, դատավոր և պետական աշխատող է ազատվել աշխատանքից՝ կասկածվելով հեղաշրջման փորձի հետ կապ ունենալու համար:

Ամբողջ աշխարհում լրատվամիջոցներն ուսումնասիրող Մամուլի միջազգային ինստիտուտի զեկույցում նշված է նաև, որ Թուրքիայում կալանքի տակ պահվող լրագրողների նկատմամբ ծանր մեղադրանքներ են առաջադրված, օրինակ՝ ահաբեկչական խմբավորումների հետ կապ ունենալու համար:

Արտակարգ դրությունից հետո կալանավորված լրագրողների թիվը 160-ից նվազել է 120-ի, բայց նույնիսկ այս ցուցանիշով Թուրքիան շարունակում է աշխարհում առաջինը լինել:

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով