Թուրքիայի նախագահի որդու հիմնադրամը Ստամբուլի քաղաքապետարանից 1,2 միլիոն լիրայի «օգնություն» է ստացել

Ստամբուլում քաղաքապետի պաշտոնն ընդդիմադիր գործչի կողմից զբաղեցվելուց հետո ի հայտ են եկել փաստաթղթեր, որոնք ցույց են տալիս, որ Ստամբուլի քաղաքապետարանի բյուջեից 2019թ. հունվարից հունիս ընկած ժամանակահատվածում «Աղեղնավորների հիմնադրամ»-ին, որի խորհրդի անդամն է Թուրքիայի նախագահ Ռեջեփ Թայիփ Էրդողանի որդի Բիլալ Էրդողանը, փոխանցվել է շուրջ 1,2 միլիոն լիրայի օգնություն, հայտնում է artigercek.com-ը:

Ստամբուլում քաղաքապետի պաշտոնը ստանձնած ընդդիմությունը շարունակում է բարձրաձայնել իրենցից առաջ «Արդարություն և զարգացում» կուսակցության ղեկավարման շրջանում քաղաքապետարանի կողմից իրականացված հերթական «չհիմնավորված ծախսի» մասին:

Հիշեցնենք, որ Ստամբուլի քաղաքապետի պաշտոնը զբաղեցնում է ընդդիմադիր Էքրեմ Իմամօղլուն, որը թե՛ առաջին ընտրություններում, որը կայացել էր մարտի 31-ին, սակայն արդյունքները չեղարկվել էին երկրի ԿԸՀ-ի կողմից, թե՛ երկրորդ ընտրություններում, որոնք անցկացվել են հունիսի 23-ին, հաղթել է Բինալի Յըլդըրըմին:

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով