Միջազգային մամուլը ծաղրանկարներով անդրադարձել է Թուրքիայի հանրաքվեին (Լուսանկարներ)

Միջազգային մամուլի մի շարք ներկայացուցիչներ ապրիլի 16-ին Թուրքիայում անցկացված սահմանադրական փոփոխությունների հանրաքվեի թեմայով ծաղրանկարներ են հրապարակել: Թուրքական «Diken.com.tr» լրատվական կայքի` հաղորդմամբ բոլոր ծաղրանկարների գլխավոր «հերոսի» դերում պատկերվել է Թուրքիայի նախագահ Ռեջեփ Թայիփ Էրդողանը: Գրում է «Ermenihaber.am»-ը:

Բրիտանական հայտնի «Independent» թերթի ծաղրանկարում Թուրքիայի դրոշի վրա կիսալուսնի տեսքով պատկերված է Էրդողանը, ով պատրաստվում է կուլ տալ քվեատուփը:

«The Guardian»-ը Էրդողանին պատկերել է աշխարհում տիրող խառնաշփոթի ֆոնին:
Նկարի ձախ անկյունում գրված է «Ավերման կրկեսը պարգևատրում է ամենաուժեղ տղամարդուն»: Իսկ Էրդողանը պատկերված է ծանրորդի տեսքով և կանգնած է բանտարկված լրագրողների վրա: Թուրքիայի նախագահի մի ձեռքին պատկերվել է կախաղանի եղանակով մահապատժ իրականացնելու համար նախատեսված պարանը, մյուսին` ծանրաձող է, որի ծայրերին գրված է «այո»:

Բրիտանիայում, ԱՄՆ-ում ու Ավստրալիայում հրապարակվող «The Week»-ն էլ հանրաքվեն նմանեցրել է կատվի ու մկան խաղին, որտեղ կատուն Էրդողանն է, մկներն` ընտրողները: Ծաղրանկարի վրա գրված է. «Քո խնդիրն այն է, որ աշխարհը քեզ ատում է: Քեզ ուժեղ առաջնորդ է պետք»:

«The Times»-ն էլ Էրդողանին սուլթանի տեսքով է պատկերել` ծաղրանկարի վրա ավելացնելով հետևյալ գրությունը, «Թուրքիայի ժողովրդավարության համար նշանակալի օր է: Այդ պատճառով սրա հակառակն ասելը օրենքից դուրս եմ հայտարարում»:

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով