Թուրքիայում բացվել է երկրում ամենամեծ մզկիթը (լուսանկարներ, տեսանյութ)

Թուրքիայում բացվել է երկրում ամենամեծ մզկիթը: Ինչպես հայտնում է «Անադոլու» գործակալությունը, մզկիթը կառուցվել է Ստամբուլի Չամլըջա շրջանում և հանդիսավորությամբ բացվել է ուրբաթ՝ մահմեդականների համար սուրբ օրը:

Բացման արարողությանը մասնակցել է Թուրքիայի նախագահ Ռեջեփ Թայիփ Էրդողանը: Նա կոչ է արել մարդկությանն «ահաբեկիչների վերջը տալ, որոնք իսլամի այլասերված ձևերն են քարոզում»:

«Ճշմարտության հարցում պնդելով՝ մենք կարող ենք տապալել ահաբեկիչների պլանները»,- ասել է նախագահը:

Մզկիթը կառուցվել է 6 տարում և նախատեսված է 65 000 հավատացյալի համար: «Մեծ Չամլըջա» մզկիթը տեսանելի է թուրքական մեգապոլիսի բոլոր անկյուններից: Բացի մզկիթից՝ տարածքում կառուցվել են կոնֆերենց դահլիճներ, գրադարան, ինչպես նաև թանգարան:

Աղոթատեղին ունի 6 մինարեթ, 4-ի բարձրությունը 107,1 մետր է, երկուսինը՝ 90 մետր: 107,1 թիվը հիշեցնում է 1071 թվականը, երբ Մանազկերտի մոտ թուրք սելջուկները պարտության մատնեցին բյուզանդացիներին ու գերեվարեցին բյուզանդացիների կայսր Ռոմանոս IV-ին:

Turkey's largest mosque officially opens doors in Istanbulhttps://t.co/OdSWlsbdGz pic.twitter.com/YE19KrR6I4

— Yeni Şafak English (@yenisafakEN) 3 мая 2019 г.

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով