Սելինա Դողանը Սուրբ Զատիկի նվերներով այցելել է Ստամբուլի քաղաքապետարան

Ստամբուլի նորընտիր քաղաքապետ Էքրեմ Իմամօղլուն Հայ Առաքելական եկեղեցու կողմից նշվող Քրիստոսի Սուրբ Հարության՝ Զատկի տոնի առթիվ ծաղիկներ է ուղարկել հայկական եկեղեցիներ։ Այս մասին հայտնում է Ermenihaber-ը։

Թուրքիայի խորհրդարանի նախկին պատգամավոր, ընդդիմադիր «Ժողովրդահանրապետական» կուսակցության (CHP) հայ ներկայացուցիչ Սելինա Դողանը ի պատասխան այդ քայլի՝ այցելել է քաղաքապետարան։

Դողանը, ով այսօր Ստամբուլի հայաշատ Շիշլի շրջանի ղեկավար խորհրդի անդամ է, այցի մասին գրառում է կատարել Facebook սոցիալական ցանցի իր էջում։

«Զատկի մեր ուրախությունը կիսեցինք Ստամբուլի քաղաքապետ պարոն Էքրեմ Իմամօղլուի հետ։

Տոնի առթիվ մեր եկեղեցիներ նրա կողմից ուղարկված նուրբ ծաղիկների համար շնորհակալություն հայտնեցինք մեր մայրիկների պատրաստած գաթաներով ու մեր երեխաների ներկած հավկիթներով», – գրել է նա։

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով