Էրդողանը սպառնացել է հաշվեհարդար տեսնել թուրքական ընդդիմադիր կուսակցության կին առաջնորդի հետ

Թուրքիայի նախագահ Ռեջեփ Թայիփ Էրդողանը սպառնացել է հաշվեհարդար տեսնել թուրքական ընդդիմադիր «Լավ» կուսակցության հիմնադիր և առաջնորդ Մերալ Աքշեների հետ, որի դեմ Էրդողանի փաստաբաններն արդեն հայց են ներկայացրել:

Ինչպես ավելի վաղ հայտնել է Tert.am-ը, Աքշեներն օրերս Դենիզլի քաղաքում նախընտրական քարոզչության շրջանակում ունեցած ելույթում հեգնել էր նախագահ Էրդողանի այն արտահայտությունը, որով նա քրդամետ Ժողովրդադեմոկրատական կուսակցության ընտրողներին «ահաբեկիչներ» էր անվանել:

«Ինչպե՞ս եք, տուն հաց տանելուց բացի ուրիշ մտահոգություն չունեցող «ահաբեկիչներ» ջան», - ասել էր Աքշեները:

Ինչպես գրում է թուրքական diken.com.tr կայքը, նախօրեին Էրդողանը սպառնացել է Աքշեներին՝ խոստոնալով, որ շատ արագ «կմաքրի հաշիվները» նրա հետ:

«Նրա հետ շատ արագ կմաքրենք մեր հաշիվները: Նա շատ բարձր գին է վճարելու: Փախչելու ծակ չի գտնելու, պատգամավոր էլ չէ, որ անձեռնմխելիություն ունենա»,- ասել է Թուրքիայի նախագահը:

Ավելի վաղ Էրդողանն արդարացել էր, որ ինքն ահաբեկիչ է անվանել ոչ թե քուրդ ընտրողներին, այլ քրդամետ կուսակցության ղեկավարներին:

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով