Էրդողանը դատի է տվել ընդդիմադիր կուսակցության կին առաջնորդին

Թուրքիայի նախագահ Ռեջեփ Թայիփ Էրդողանը դատի է տվել ընդդիմադիր «Լավ» կուսակցության առաջնորդ Մերալ Աքշեներին՝ իրեն վիրավորելու համար, այս մասին գրում է թուրքական «Անադոլու» գործակալությունը:

Նշվում է, որ Աքշեներն օրերս Դենիզլի քաղաքում նախընտրական քարոզչության շրջանակում ունեցած ելույթում հեգնել էր նախագահ Էրդողանի այն արտահայտությունը, որով նա քրդամետ Ժողովրդադեմոկրատական կուսակցության ընտրողներին «ահաբեկիչներ» էր անվանել:

«Ինչպե՞ս եք տուն հաց տանելուց բացի ուրիշ մտահոգություն չունեցող «ահաբեկիչներ» ջան», - ասել էր Աքշեները:

Նախօրեին արդեն Էրդողանը հայտարարել է, որ համապատասխան կարգադրություններ է տվել իր փաստաբաններին՝ Աքշեների դեմ հայց ներկայացնելու համար:

«Ասում են, թե ես «ահաբեկիչ» եմ անվանել Ժողովրդադեմոկրատական կուսակցությանը ձայն տվող քրդերին: Երեկ էլ Դենիզլիում տիկին Մերալն առանց ամաչելու կրկնեց այդ սուտը: Ամաչի՛ր», - ասել է Էրդողանը՝ շեշտելով, որ ինքն ահաբեկիչ է անվանել ոչ թե ընտրողներին, այլ քրդամետ կուսակցության ղեկավարներին:

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով