«Դու ինչո՞ւ բեղ չունես». Էրդողանի հարցն անակնկալի է բերել քաղաքապետի թեկնածուին

Թուրքիայի նախագահ Ռեջեփ Թայիփ Էրդողանն անսպասելի ու զավեշտալի հարց է ուղղել Քոջաելիի քաղաքապետի պաշտոնում իր կուսակցության առաջադրած թեկնածու Մեհմեդ Յասին Օզլյուին:

Ինչպես գրում է թուրքական «Յենի Աքըթ» պարբերականը, նախագահը հետաքրքրվել է թեկնածուից, թե ինչու վերջինս բեղեր չունի:

«Յասի՛ն, դու ինչո՞ւ բեղ չունես», - ասել է Էրդողանը բեմի վրա Օզլյուի ձեռքը սեղմելիս:

Անակնկալի եկած գործիչը խոստացել է նախագահին, որ անպայման շուտով բեղ կունենա:

«Կաճեցնեմ, պարոն», - ասել է Քոջաելիի քաղաքապետի թեկնածուն:

Ավելի վաղ մամուլում տեղեկություններ էին տարածվել, որ Թուրքիայի նախագահը հաճախ պարտադրում է պաշտոնյաներին իր պես բեղ պահել: Նշվել էր, որ «հարկադրված» բեղ աճեցրածների թվում են արտգործնախարար Մևլութ Չավուշօղլուն, էկոնոմիկայի նախարար Նիհաթ Զեյբեկչին, ներքին գործերի նախարար Սուլեյման Սոյլուն, այլք:

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով