Թուրք լրագրողն ազատազրկման է դատապարտվել նախկին վարչապետի ընտանիքի օֆշորային հաշիվների մասին հոդվածի համար

Թուրք լրագրող Փելին Ունկերը դատապարտվել է 13.5 ամսվա ազատազրկման՝ Թուրքիայի նախկին վարչապետ Բինալի Յըլդըրըմի ընտանիքի կապն օֆշորային ընկերությունների հետ բացահայտող հոդվածի համար, գրում է թուրքական «Էվրենսել» պարբերականը:

Գերմանական Deutsche Welle հեռուստառադիոընկերության թուրքական ծառայության լրագրողը ուսումնասիրել էր Յըլդըրըմի որդիների կապը օֆշորային հաշիվների հետ ու աղմկահարույց բացահայտումներ իրականացրել:

2017 թվականի նոյեմբերին նախկին վարչապետն ու նրա երկու որդիները դատի տվեցին Ունկերին՝ մեղադրելով նրան պետական պաշտոնյայի զրպարտության համար:

Ստամբուլի դատարանը որոշում է կայացրել տուգանել լրագրողին 1.3 մլն դոլարի չափով, ինչպես նաև ազատազրկել նրան 13.5 ամսով: Հայտնի է, որ Ունկերի փաստաբաններն արդեն բողոքարկել են կայացված վճիռը:

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով