Թուրքիայում 2019թ․ նվազագույն աշխատավարձը 26 տոկոսով կբարձրանա

Թուրքիայում նվազագույն աշխատավարձը կավելանա 26 տոկոսով (417 լիրայով)։ 2019թ․ զուտ ամսական աշխատավարձը կկազմի 2․020 թուրքական լիրա կամ 388․4 դոլար։ Այս մասին որոշումը միաձայն ընդունվել է նվազագույն աշխատավարձ սահմանող հանձնաժողովի կողմից։

Թուրքիայի ընտանիքի, աշխատանքի և սոցիալական ծառայությունների նախարար Զեհրա Զյումրութ Սելչուքի խոսքով՝ այս կերպ փորձ է արվել չեզոքացնել գնաճի ազդեցությունը բնակչության սոցիալ-տնտեսական վիճակի վրա։

ermenihaber.am=ի փոծանցմամբ՝ նոր նվազագույն աշխատավարձը կկիրառվի արդեն հունվարի 1-ից, այն վերաբերում է շուրջ 7 մլն աշխատող քաղաքացու։

Թուրքիայում նվազագույն աշխատավարձը սահմանվում է 15 հոգանոց հանձնաժողովի կողմից, որում տեղ են գտնում 5 աշխատող, 5 գործատու և պետության 5 ներկայացուցիչ։ Ներկայացված առաջարկները քննարկվելիս հաշվի է առնվում նվազագույն սպառողական զամբյուղի արժեքը, երկրում ինֆլյացիայի (գնաճ) և գործազրկության մակարդակը և նմանատիպ մի շարք գործոններ։

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով