Թուրք ազգայնական գործիչ Փերինչեքի կուսակցությունը պահանջում է փակել Թուրքիայի քրդամետ կուսակցությունը

Թուրք ազգայնական գործիչ Դողու Փերինչեքի հիմնած «Հայրենիք» կուսակցությունը հայց է ներկայացրել դատարան՝ պահանջելով փակել Թուրքիայում գործող քրդամետ Ժողովրդադեմոկրատական կուսակցությունը:

Ինչպես գրում է թուրքական diken.com.tr կայքը, ազգայնականները մեղադրել են քրդամետ կուսակցությանն անջատողականության, հայրենիքի դավաճանության և երկրի անկախության դեմ գործողությունների ծավալման համար:

Հայցը դատարան ներկայացրել է «Հայրենիք» կուսակցության փոխնախագահ Նուսրեթ Սենեմը:

Ավելի վաղ կուսակցության նախագահ Փերինչեքը, որը մասնակցել է նախագահական ընտրություններին, հայտարարել էր, որ կփակի այդ կուսակցությունը, եթե նախագահ ընտրվի:

Հիշեցնենք, որ Ժողովրդադեմոկրատական կուսակցության նախկին համանախագահներ Սելահաթթին Դեմիրթաշն ու Ֆիգեն Յուքսեքդաղը 2016 թվականից գտնվում են բանտում ՝ Թուրքիայում ահաբեկչական համարվող «Քրդստանի աշխատավորական կուսակցություն» խմբավորմանն աջակցելու մեղադրանքով:

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով