Թուրքիայի արևմտյան և կենտրոնական 17 նահանգում ձյան առատ տեղումների պատճառով փակվել են դպրոցները

Թուրքիայի արևմտյան և կենտրոնական միանգամից 17 նահանգում առատ ձյան տեղումների պատճառով ժամանակավորապես փակվել են դպրոցները, գրում է gazeteduvar.com.tr կայքը:

Հայտնի է, որ եղանակային անբարենպաստ պայմանների հետևանքով դասերը հետաձգվել են Անկարայում, Քյութահիայում, Բոլուում, Ուշաքում, Աֆյոնքարահիսարում, Սվասում (Սեբաստիա), Դենիզլիում, Քըրըքքալեում, Կոնիայում, Յոզղատում, Ամասիայում, Նևշեհիրում և այլուր:

Բացի այդ, ձյան հետևանքով մեկ օրով դադարեցվել են դասերն Անկարայի և Աֆյոնքարահիսարի որոշ համալսարաններում:

Օդերևութաբաններն արդեն զգուշացրել են Թուրքիայի ամենամեծ քաղաքի՝ Ստամբուլի բնակիչներին պատրաստվել առատ ձյան տեղումների և նորմայից բավականին ցուրտ եղանակի, ինչն այդ տարածքի բնակիչների համար արտառոց երևույթ է համարվում:

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով