Թուրքիայի Մեջլիսում մեկ օրում երկու քաշքշուկ է տեղի ունեցել (լուսանկարներ)

Թուրքիայի խորհրդարանում մեկ օրում թեժ վիճաբանության ու հրմշտոցի երկու դեպք է արձանագրվել: Քաշքշուկի մեջ են մտել իշխող «Արդարություն և զարգացում» և ընդդիմադիր «Լավ» կուսակցության անդամները: Վիճաբանությունից զերծ չեն մնացել նաև քրդամետ ժողովրդադեմոկրատականներն ու քեմալական ժողովրդահանրապետականները: Այս մասին գրում է թուրքական «Սյոզջու» պարբերականը:

Իշխող կուսակցության խորհրդարանական խմբի ղեկավար Մեհմեդ Մուշը մեղադրել է ընդդիմադիրներին Թուրքիայում ահաբեկչական համարվող «Քրդստանի աշխատավորական կուսակցություն» խմբավորմանն աջակցելու համար՝ նկատի ունենալով նաև ընդդիմադիր «Լավ» և ժողովրդահանրապետական կուսակցությունների ղեկավարներ Մերալ Աքշեներին ու Քեմալ Քըլըչդարօղլուին:

Արդյունքում ծագած վիճաբանությունը վերածվել է լայնամասշտաբ քաշքշուկի, կրքերը հանդարտեցնելու համար մեջլիսի նախագահը ստիպված է եղել ընդհատել 2019թ. բյուջեի ընդունման նիստը:

Ժամեր անց նույն նիստին կրկին հրմշտոց է տեղի ունեցել մի շարք պատգամավորների միջև՝ այս անգամ 2016 թվականի ռազմական հեղաշրջման փորձի վերաբերյալ թեմայի հետ կապված:

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով