Թուրքիայի հյուսիս-արևմուտքում երկրաշարժ է գրանցվել, որը զգացվել է նաև Ստամբուլում

Թուրքիայի հյուսիս-արևմուտքում այսօր վաղ առավոտյան 4,1 մագնիտուդ ուժգնությամբ երկրաշարժ է գրանցվել, գրում է diken.com.tr կայքը:

Հայտնի է, որ երկրաշարժի էպիկենտրոնը գտնվել է Յալովա նահանգի Չընարջըք շրջանում, սակայն ցնցումները զգացվել են նաև հարևան Ստամբուլում և Բուրսայում: Նշվում է, որ երկրաշարժին հաջորդել են նաև հետցնցումներ, որոնք խուճապի պատճառ են դարձել բնակչության շրջանում:

Աղբյուրը տեղեկացնում է, որ երկրաշարժի օջախը գտնվել է 7 կմ խորության վրա:

Տուժածների և ավերածությունների մասին տեղեկություններ չեն փոխանցվում:

Հիշեցնենք, որ հոկտեմբերին Թուրքիայի հարավ-արևմուտքում մի քանի երկրաշարժ էր տեղի ունեցել: 4,5, 4 և 3,4 մագնիտուդ ուժգնությամբ երկրաշարժերը գրանցվել էին Մուղլա նահանգի մի շարք բնակավայրերում:

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով