Թուրքիայում մարդկանց մեծ մասը զգուշանում է իր քաղաքական հայացքները համացանցի միջոցով արտահայտելուց

Օքսֆորդի համալսարանի պատվերով պատրաստված «Թվային լրատվության մասին զեկույց»-ը փաստել է, որ Թուրքիայում մարդկանց մեծ մասը զգուշանում է իր քաղաքական հայացքները համացանցի միջոցով արտահայտել:

Ինչպես գրում է թուրքական diken.com.tr կայքը, 37 երկրում YouGov ընկերության անցկացրած հարցմանը մասնակցել է ընդհանուր առմամբ 74.000 մարդ, Թուրքիայից հարցմանը մասնակցել է 2.019 մարդ, հիմնականում՝ քաղաքաբնակներ:

Պարզվել է, որ Թուրքիայում իրենց աջակողմյան համարող հասարակական զանգվածն ավելի շատ լուրերը նախընտրում է ստանալ հեռուստատեսությունից: Ձախակողմյաններն այս հարցում նախապատվությունը տալիս են էլեկտրոնային մամուլին:

Հատկանշական է, որ պետական TRT հեռուստաընկերությանը երկրում վստահում է աջակողմյան հայացքներ ունեցող յուրաքանչյուր 10 հարցվածից 8-ը, ձախակողմյան հատվածից այս թիվն ընդամենը 10-ից 3 է:

Հարցվածների 67 տոկոսը փաստել է, որ վախենում է իր քաղաքական հայացքներով կիսվել սոցցանցերում: Ընդ որում՝ այս ցուցանիշով Թուրքիան հետազոտված 37 երկրների շարքում բացարձակ առաջատար է:

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով