Մեղադրյալի աթոռին՝ Աթաթուրքի նկարը պատից իջեցնելու համար

Անթալիայի Քեփեզ շրջանում կրոնական դպրոցի ուսուցիչը պահանջել է աշակերտներից պատից իջեցնել Թուրքիայի Հանրապետության հիմնադիր ու առաջին նախագահ Մուստաֆա Քեմալ Աթաթուրքի դիմանկարը, ինչից հետո ձերբակալվել է:

Ինչպես գրում է թուրքական «Հյուրրիյեթ» պարբերականը, իսլամական իրավունք առարկան դասավանդող Հարուն Ք.-ն հայտնվել է մեղադրյալի աթոռին՝ Աթաթուրքին հասցված վիրավորանքի համար:

Նշվում է, որ դիմանկարն իջեցնել պահանջելիս ուսուցիչը, մասնավորապես, ասել է. «Իջեցրե՛ք դրան, դավաճանի հայացքով ինձ է նայում, ես սրանից վախենում եմ»:

Ուսուցիչը, սակայն, մեղադրանքները չի ընդունել և պնդել է, որ ինքը ոչ թե հրահանգել է իջեցնել դիմանկարը, այլ խորհուրդ է տվել այլ վայրում կախել այն:

Թուրքիայում հասարակության կրոնապաշտ հատվածի՝ Աթաթուրքի դեմ քննադատություններն ու վիրավորանքները հաճախ են աղմուկ բարձրացնում: Աթաթուրքի օրոք բազմաթիվ մզկիթների փակումը կամ քանդումը, դպրոցներում Ղուրանի դասավանդման արգելումն ու մի շարք այլ աշխարհիկ բարեփոխումներ հաճախ քննադատության են արժանանում պահպանողական հատվածի կողմից:

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով