Թուրք նախարարները գաղտնալսվելու վախից նախընտրում են խոսել WhatsApp-ով

Թուրքիայի ընդդիմադիր Ժողովրդադեմոկրատական կուսակցության անդամ, խորհրդարանի՝ Դիարբեքիրից ընտրված հայազգի պատգամավոր Կարո Փայլանը հայտարարել է, որ բազմաթիվ թուրք նախարարներ նախընտրում են զանգահարել WhatsApp հավելվածի միջոցով, քանի որ վախենում են գաղտնալսվելուց:

Ինչպես գրում է թուրքական T24 կայքը, խորհրդարանում իշխող կուսակցության անդամների զգալի մասը որևէ կերպ չի հակադարձել Փայլանին և չի շտապել հերքել նրա խոսքերը:

«Տեսեք, ես շատ եմ դրան վկա եղել, բոլորը, այդ թվում՝ կուսակցության պատգամավորները, խոսում են WhatsApp-ով: Դե թող ասեն, թող հերքեն: Այդ նախընտրությունն ահա որտեղից է գալիս. չեն վստահում, մտածում են՝ մի ժամանակ գյուլենականներն էին գաղտնալսում, հետո ուրիշները, հիմա ի՞նչ իմանաս, թե ով է լսում», - ասել է Փայլանը:

Ուշագրավ է, որ խորհրդարանի բյուջեի հարցերով հանձնաժողովի նախագահ, իշխող «Արդարություն և զարգացում» կուսակցության անդամ Սյուրեյյա Սադի Բիլգիչը համաձայնել է հայազգի պատգամավորի հետ. «Ճիշտ եք, հարգելի Փայլան, WhatsApp-ը ոչ ոք չի գաղտնալսում»:

Միևնույն ժամանակ, Բիլգիչը նկատել է, որ ուղիղ հեռախոսակապով կամ այլ հավելվածով զանգելը պատգամավորների, նախարարների ու այլ պաշտոնյաների անձնական նախընտրությունն է ու իրավունքը:

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով