Թուրքիայում լեռներում բնակվող եւ լեզուն արդեն մոռացած ընտանիք են հայտնաբերել (Լուսանկարներ)

Թուրքիայի Երզնկա նահանգում Բինգյոլի եւ Դերսիմի լեռների միջեւ գտնվող Քոշան լեռան վրա ապրող 7 հոգանոց ընտանիք է հայտնաբերվել։

Թուրքական Karar.com–ի փոխանցմամբ՝ ընտանիքի մասին լրատվամիջոցներին հայտնել է մի լեռնագնաց, ով Քոշան լեռը բարձրանալու ժամանակ 2500 մետր բարձրության վրա տեսել է քաղաքակրթությունից կտրված ընտանիքի ապրելակերպը։

Պարզվել է, որ ընտանիքի անդամները բացի մոտակայքում գտնվող մի գյուղից այլ բնակավայր չեն տեսել եւ վախենում են որեւէ քաղաք գնալ։

Ընտանիքի հայրը նշել է, որ 10 երեխաներից 5–ը 20 տարի առաջ տնից հեռացել են ու այլեւս չեն վերադարձել։

5 երեխաները դպրոց երբեք չեն գնացել եւ թուրքերեն չեն կարողանում խոսել, իսկ միմյանց հետ ժեստերով ու հնչյուններով են շփվում։

Նշվում է, որ առանց լույսի եւ տարրական կենցաղային պայմանների ապրող ընտանիքին ալյուրով եւ կարտոֆիլով օգնում են մոտակայքում գտնվող գյուղի բնակիչները։

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով