Ստամբուլի 3-րդ օդանավակայանը մասամբ կառուցվել է հայկական ծագում ունեցող օսմանյան նշանավոր ճարտարապետ Սինանի ոճով

Ստամբուլի 3-րդ օդանավակայանը, որի բացումը տեղի ունեցավ օրերս, մասամբ կառուցվել է հայկական ծագում ունեցող օսմանյան նշանավոր ճարտարապետ Սինանի ոճով, գրում է Հալեպի հայկական պարբերականներից «Գանձասար»-ը:

Պարբերականը, մասնավորապես, նշում է, որ թուրքական «Լիմաք Քոլին Ջենգիզ Մափա Քալիոն» ընկերությունը, որը հաղթել էր օդանավակայանի շինարարական աշխատանքներն իրականացնելու համար հայտարարված մրցույթում ու ստանձնել օդանավակայանի կառուցումը, տանիքի հատվածի դիզայնի հարցում հետևել է Սինանի ոճին:

Նշենք, որ ճարտարապետ Սինանն ապրել է 15-16-րդ դարերում և հանդիսացել Օսմանյան կայսրության ամենանշանավոր ճարտարապետը: Նա պալատական ճարտարապետի պաշտոնն է ստանձնել միանգամից երեք օսմանյան սուլթանների օրոք, հանդիսացել է ավելի քան 300 կառույցների ճարտարապետ, որոնց թվում են սուլթանական պալատներ, մզկիթներ, դպրոցներ և այլ շինություններ:

Թեև ճարտարապետ Սինանը, ըստ թուրքական պաշտոնական պատմագրության, ներկայացվում է որպես թուրք, տարբեր աղբյուրներ ժամանակ առ ժամանակ առաջ են քաշում այն վարկածը, որ նա հայ կամ հույն ընտանիքի զավակ կարող էր լինել, որը մանուկ հասակում բռնի կերպով ներգրավվել է «Յենիչերիների» զորքում:

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով