Ստամբուլում բացվում է աշխարհի ամենամեծ օդանավակայանը (լուսանկաներ)

Հոկտեմբերի 29-ին Ստամբուլում կայանալու է նորակառույց 3-րդ օդանավակայանի բացման արարողությունը, որին մասնակցելու են մի շարք բարձրաստիճան պաշտոնյաներ՝ երկրի նախագահ Ռեջեփ Թայիփ Էրդողանի գլխավորությամբ։

Օդավակայանը կլինի ամենամեծն աշխարհում։ Օդավակայանի տարածքը 76.5մլն քառակուսի մետր է: Շինարարական աշխատանքներն իրականացնելու մրցույթում հաղթել էր թուրքական «Limak Kolin Cengiz Mapa Kalyon» ընկերությունը։ Կառուցման առաջին փուլի համար հատկացվել էր 6 մլրդ դոլար։

Շինարարական աշխատանքների իրականացման մյուս փուլերը ավարտին են հասցվելու մինչև 2023թ.։ Լինելու է 6 թռիչքուղի։ Օդավակայանը կարող է տեղավորել 500 ուղևորատար ինքնաթիռ։ Նախատեսվում է, որ օդանավակայանից տարեկան կօգտվի 200 մլն ուղևոր:

Օդանավակայանը հագեցված է նորագույն տեխնոլոգիաներով։ Այն սպասարկելու է ավելի քան 250 ավիաընկերությունների։ Օդանավակայանից հնարավոր է մեկնել 350 ուղղությամբ։

Հետաքրքրական է, որ օդանավակայանի տանիքը կառուցվել է նշանավոր հայ ճարտարապետ Միմար Սինանի ոճով, ում թուրքական աղբյուրը ներակայացնում է որպես թուրք։ Սինանը եղել է Օսմանյան արքունիքի գլխավոր ճարտարապետը՝ 1539 թվականից։ Օսմանյան կայսրությունում ապրած ազգությամբ հայ հռչակավոր ճարտարապետ Սինանը թողել է հսկայական ժառանգություն, որը մեծ նշանակություն ունի ոչ միայն մահմեդական, այլև համաշխարհային մշակույթի համար: Նրա ճարտարապետական գործունեությունը տևել է 50 տարի՝ 1538-1588թթ. ընդհուպ մինչև մահը՝ 99 տարեկան հասակում: