Թուրքիայի մզկիթներից մեկում հավատացյալները 37 տարի շարունակ սխալ ուղղությամբ են նամազ արել

Թուրքիայի հյուսիս-արևմտյան Յալովա նահանգի Սուգյորեն համայնքում դեռևս 1981 թվականին կառուցված գյուղական մզկիթում, պարզվում է, 37 տարի շարունակ հավատացյալները սխալ ուղղությամբ են նամազ (աղոթք) արել:

Ինչպես հայտնի է՝ մահմեդականները նամազն անում են դեմքով դեպի Մեքքա քաղաք, որը մահմեդական աշխարհի գլխավոր սրբավայրերից է:

Ինչպես փոխանցում է CNN Turk-ը, մզկիթի կառուցման ժամանակ կոպիտ սխալ է թույլ տրվել, և նամազ անելու հատվածը ոչ ճիշտ ուղղությամբ է առանձնացվել:

Գյուղի նոր իմամը, սակայն, հայտնաբերել է, որ Սուգյորենի մզկիթում նամազի հատվածը դեպի Մեքքա ուղղված չէ, և շտապել է տեղեկացնել տեղի իշխանություններին՝ սխալն ուղղելու համար:

«37 տարի է՝ մեր նամազն այստեղ ենք անում: Նոր իմամը եկավ, ասաց, որ սխալ է: Զարմացանք, թե հիմա ինչ պիտի անենք», - պատմել է գյուղի բնակիչներից մեկը:

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով