Թուրք ազգը Թուրքիայում կարող է փոքրամասնություն դառնալ

Թուրքիայում թուրք ազգը կարող է տարիներ անց դառնալ փոքրամասնություն: Այս մասին հայտարարել է Թուրքիայում գործող նորաստեղծ «iyi» (Լավ) կուսակցությունից մեջլիսի պատգամավոր Լյութֆու Թուրքքանը:

«Հիմա Թուրքիայում յուրաքանչյուր 20 քաղաքացուց մեկը սիրիացի է, ըստ հաշվարկների՝ 2023թ. սիրիացի կլինի ամեն 13 քաղաքացուց մեկը: Նման կերպ շարունակվելու պարագայում մոտ ապագայում թուրք ազգը Թուրքիայում փոքրամասնություն կդառնա»,- խոսելով երկրի ժողովրդագրական պատկերի մասին՝ նշել է Թուրքքանը:

Նա ընգծել է, որ ներկայումս Թուրքիայում բնակվող սիրիացիների թիվը, ոչ պաշտոնական տվյալների համաձայն, հասնում է 4 միլիոնի (պաշտոնական տվյալներով 3,6 մլն):

Պատգամավորը հայտարարել է, որ սիրիացի փախստականների հարցում երկրի իշխանությունների վարած քաղաքականությունը սխալ է:

«Փախստականների հարցում Թուրքիայի վարած սխալ քաղաքականության հետևանքով, ըստ տարբեր հաշվարկների, 2040թ. փախստականների թիվը կհասնի 7,5 միլիոնի»,- ասել է նա:

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով