«Ցանկանում եմ համբուրել Էրդողանի ձեռքը՝ տրամադրած օգնության համար». Հայաստանում ազատազրկված թուրք դեռահասը վերադարձել է հայրենիք

Թուրք դեռահաս Ումութ Ալի Օզմանը, որը երկու ամիս առաջ անցել էր Հայաստանի սահմանը, ազատ արձակվելուց հետո վերադարձել է հայրենիք, հայտնում է Daily Sabah-ը:

Թուրքիա վերադառնալուն պես Օզմանը համբուրել է հայրենի հողը և շնորհակալություն հայտնել նախագահ Ռեջեփ Թայիփ Էրդողանին՝ իր ազատ արձակման հարցում տրամադրած օգնության համար:

«Ռեջեփ Թայիփ Էրդողանը մեծ ներդրում է ունեցել իմ ազատ արձակման հարցում: Ես ցանկանում եմ հանդիպել նրա հետ և համբուրել նրա ձեռքը»,- ասել է դեռահասը:

Օզմանը նաև նշել է, որ հայկական բանտում նրա հետ լավ են վարվել և ազգային հիմքով խտրականություն չեն դրսևորել:

Թուրք դեռահասը սահմանն անցնելը բացատրել է հետաքրքրասիրությամբ և ցանկությամբ՝ իմանալ, թե ինչ է տեղի ունենում Հայաստանում:

Ավելի վաղ հաղորդվել է, որ հուլիսի 24-ին հայ-թուրքական սահմանը հատած 16-ամյա Ումութ Ալի Օզմանի խափանման միջոց կալանավորումը փոխվել է:

Նա ազատ է արձակվել կալանքից:

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով