Թուրքիան 250.000 դոլարով «վաճառում» է երկրի քաղաքացիությունը

Թուրքիան 250.000 դոլարով «վաճառում է» երկրի քաղաքացիությունը, գրում է diken.com.tr կայքը՝ մանրամասնելով, որ այսուհետ Թուրքիայում նվազագույնը 250.000 դոլար արժողությամբ տուն գնած ցանկացած օտարերկրացի թուրքական անձնագիր ստանալու իրավունք կունենա։

Աղբյուրը նկատում է, որ դեռևս 2016թ.-ին օտարերկրացիները քաղաքացիություն ստանալու համար նվազագույնը պետք է 1 մլն դոլարանոց գույք ձեռք բերեին երկրում, մինչդեռ այժմ թուրքական քաղաքացիության «գինը» էականորեն էժանացել է։ Միակ հավելյալ պայմանը՝ ձեռք բերված գույքը առաջիկա 3 տարում չվաճառելն է։

Այժմ Թուրքիայում մեխանիկորեն քաղաքացիություն կարող են ձեռք բերել նաև երկրի տնտեսության մեջ նվազագույնը 500.000 դոլարի չափով ներդրում կատարած անձինք, մինչդեռ նախկինում քաղաքացիություն ձեռք բերելու համար տնտեսական ներդրումների նվազագույն շեմը 2 մլն դոլար էր։

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով