Ջենովայում կամրջի փլվելու գոտուց տարհանված բնակիչները նոր բնակարաններ են ստանում

11 ընտանիքներ, որոնք տարհանվել Էին Ջենովայում ավտոմոբիլային կամրջի փլվելու գոտում գտնվող իրենց տներից, նոր բնակարաններ կստանան արդեն օգոստոսի 20-ին: Այդ մասին, ինչպես տեղեկացնում Է «Արմենպրես»-ը, հայտնել Է ANSA գործակալությունը՝ վկայակոչելով Ջենովա քաղաքի ենթակառուցվածքի պատասխանատուներին:

Նրանց տվյալներով՝ երկուշաբթի տեղական ժամանակով ժամը 16:00-ին Լիգուրիայի մարզի վարչակազմի ղեկավար Ջովանի Տոտին եւ Ջենովայի քաղաքագլուխ Մարկո Բուչին նոր բնակարանները կհանձնեն տարհանվածներին: Գործակալությունը ճշտում Է, որ առաջիկա շաբաթներին սպասվում Է եւս 40 ընտանիքների տեղափոխումը նոր բնակարաններ: Նշվում Է, որ բնակարանների հատկացման հարցում առաջնությունը տրվում Է երեխաներով ընտանիքներին, տարեց քաղաքացիներին եւ սահմանափակ հնարավորություններով մարդկանց:

Իտալիայի վարչապետ Ջուզեպե Կոնտեն օգոստոսի 19-ին Facebook-ի իր Էջում հայտնել Է, որ, ի լրումն ողբերգության հետեւանքների վերացման համար ավելի վաղ հատկացված 5 մլն եվրոյի, Իտալիայի նախարարների խորհուրդը հատկացրել Է եւս 28,5 մլն եվրո: Քաղաքական գործիչը նշտել Է, որ այդ միջոցները կօգտագործվեն այլընտրական երթուղիներ ստեղծելու, տրանսպորտային համակարգն ամրապնդելու եւ այն մարդկանց բնակարարաններ տրամադրելու համար, որոնք հարկադրված են եղել լքել իրենց տները:

Օգոստոսի 14-ի առավոտյան Ջենովայի մերձակայքում փլվել Է այն կամրջի 200-մետրանոց հատվածը, որով անցնում Է A10 ավտոմայրուղին: Պատահարի պահին կամրջի վրա եղել Է 30 մարդատար ավտոմեքենա եւ երեք բեռնատար: Փլուզման հետեւանքով զոհվել Է 43 մարդ: Օգոստոսի 19-ին ողբերգության վայրում ավարտվել Է որոնողափրկարարական գործողությունը, հաղորդել Է ՏԱՍՍ-ը:

Այս թեմայով Համացանցում հայտնվել է Իտալիայում կամրջի փլուզման տեսանյութը Ջենովայում փրկարարական աշխատանքների երկրորդ գիշերն ապարդյուն է անցել (լուսանկարներ) Իտալիայի իշխանություններն ասել են՝ ով է կամրջի ողբերգական փլուզման մեղավորը Ջենովայում կամուրջի փլուզման հետեւանքով ավելի քան 600 մարդ անօթեւան է մնացել Իտալիայում կամրջի փլվելու հետեւանքով զոհվածների թիվը հասել Է 38-ի (Տեսանյութեր)