Ջենովայում փրկարարական աշխատանքների երկրորդ գիշերն ապարդյուն է անցել (լուսանկարներ)

Իտալական Ջենովա քաղաքում օգոստոսի 14-ին ավտոճանապարհային կամրջի փլուզման ողբերգական դեպքից հետո ավարտվել է փրկարարական աշխատանքների երկրորդ գիշերը, որը, սակայն, արդյունք չի տվել:

Ինչպես նշում է ria.ru-ն՝ իտալական լրատվամիջոցներին հղումով, վերջին տվյալներով՝ միջադեպի հետևանքով զոհվել է 39 մարդ, կա 16 տուժած:

Հայտնի է, որ այժմ դեպքի վայրում աշխատում է ծանր տեխնիկա, որի օգնությամբ մաքրվում են փլուզման հետևանքով ընկած ահռելի բեկորները: Սակայն, փրկարարների խոսքով, բեկորների տակ այլևս ողջ մարդ չկա: Հայտնի է, որ նրանց ձայները չեն լսվել արդեն երեքշաբթի երեկոյից:

Հիշեցնենք, որ նախօրեին Իտալիայի կառավարությունը կամրջի փլուզման ողբերգական դեպքի համար մեղադրել էր մասնավոր սեփականատիրոջը՝ պահանջելով համապատասխան պաշտոնյաների ազատում:

Իտալիայի վարչապետ, ներքին գործերի նախարար Մատեո Սալվինին հայտարարել է, որ կամրջի շահագործմամբ զբաղվող Autostrade ճանապարհային ընկերությունը միլիարդներ է ստացել, սակայն դրանք ըստ նշանակության չի ծախսել:

 «Բոլոր մեղավորների նկատմամբ պետք է սահմանվեն ամենախիստ պատիժները: Պետք է այնպես անել, որ զոհերի ու վիրավորների համար պատասխանատուները մինչև վերջ վճարեն պատճառած վնասի ու հանցանքների համար»,-ասել է Սալվինին:

Այս թեմայով Համացանցում հայտնվել է Իտալիայում կամրջի փլուզման տեսանյութը Ջենովայում կամրջի փլվելու գոտուց տարհանված բնակիչները նոր բնակարաններ են ստանում Իտալիայի իշխանություններն ասել են՝ ով է կամրջի ողբերգական փլուզման մեղավորը Ջենովայում կամուրջի փլուզման հետեւանքով ավելի քան 600 մարդ անօթեւան է մնացել Իտալիայում կամրջի փլվելու հետեւանքով զոհվածների թիվը հասել Է 38-ի (Տեսանյութեր)