Մեդվեդև.ԱՄՆ-ի նոր պատժամիջոցները տնտեսական պատերազմի հայտարարություն է

Ռուսաստանի վարչապետ Դմիտրի Մեդվեդևն ասել է, որ Ռուսաստանի հանդեպ պատժամիջոցները խստացնելու Վաշինգտոնի հայտարարությունը կարելի է գնահատել որպես տնտեսական պատերազմի հայտարարություն:

«Եթե հաջորդ քայլերով ինչ որ կերպ արգելքներ դրվեն բանկերի գործունեության, այս կամ այն արտարժույթի օգտագործման վրա, ապա դա կարելի է ուղիղ կերպ անվանել՝ դա տնտեսական պատերազմի հայտարարություն է և այդ պատերազմին անհրաժեշտ է արձագանքել քաղաքական, տնտեսական, անհրաժեշտության դեպքում նաև ուրիշ մեթոդներով և մեր ամերիկացի ընկերները պետք է հասկանան դա»,- այսօր ասել է Ռուսաստանի վարչապետը, ով այցելել է Կամչատկայի թերակղզի:

Անդրադառնալով ներկայումս գործող պատժամիջոցներին, Մեդվեդևն ասել է, որ դրանք ազդեցություն են թողնում երկրի տնտեսության վրա: Նրա խոսքերով՝ պատժամիջոցները սահմանվում են, որպեսզի միջազգային ասպարեզի հզոր մրցակիցների շարքից Ռուսաստանը դուրս մղվի:

Օգոստոոսի 8-ին ԱՄՆ-ի պետդեպարտամենտը հայտարարեց, որ Ռուսաստանի հանդեպ նոր պատժամիջոցներ կսահմանվեն Սկրիպալների թունավորման համար: Դրանից բացի, մի խումբ սենատորներ ևս նոր պատժամիջոցների օրինագիծ են ներկայացրել:

Այս թեմայով Լավրովն ԱՄՆ-ին մեղադրել է միջազգային իրավունքի վրա «խաչ քաշելու» փորձի մեջ Ամերիկյան սենատորները ՌԴ-ի դեմ խիստ պատժամիջոցների մասին օրենսդրական նախագիծ կներկայացնեն ԱՄՆ-ն հարյուր միլիոնավոր դոլարների ռուսական ակտիվներ է արգելափակել Թրամփը նշել է ՌԴ-ի նկատմամբ սահմանված պատժամիջոցների չեղարկման պայմանը Թրամփը խոսել է Պուտինի հետ հանդիպման կարևորության մասին