Թուրքիայում ֆաշիզմի առաջխաղացումը պետք է կանգնեցնել միասին․ Կարո Փայլան

Թուրքիայի քրդական «Ժողովուրդների դեմոկրատական» կուսակցության հայ պատգամավոր Կարո Փայլանը անդրադարձել է տեղի ունեցած ընտրությունների վերլուծությանն ու Թուրքիայի առկա իրավիճակին։

Թուրքական Gazeteduvar կայքի հետ զրույցում Կարո Փայլանը շեշտել է, որ չնայած երկրում եղել է արտակարգ դրություն, իսկ արեւելքի քրդաբնակ նահանգները գտնվել են պետական, ոստիկանական ու զինվորական ճնշումների տակ, քուրդ ընտրողները համարձակություն են դրսեւորել եւ իրենց կամքը պարտադրել են։

Փայլանը նշել է, թե իր կուսակցության ստացած մեծ քանակի ձայները հրաշք կարելի է անվանել նման իրավիճակի համար՝ շեշտելով, որ գերազանց ցուցանիշ է Դիարբեքիրում ստանալ 66 իսկ Հաքքարիում 70 տոկոս ձայն։

Փայլանը, անդրադառնալով տեղական ինքնակառավարման մարմինների ընտրություններին, պնդել է, թե իշխող կուսակցության հեգեմոնիան կոտրելու համար պետք է պայքարեն բոլորը։ «Թուրքիայի ընդդիմադիր «Ժողովրդահանրապետական» եւ «Լավ» կուսակցությունները եւս պետք է պայքարեն ֆաշիզմի առաջխաղացումը կանգնեցնելու համար»,-ասել է Կարո Փայլանը։

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով